冇錯我係一個港女 精選

係喇！呢篇文係比我用黎懺悔既，其實我都係一個平凡既女仔，平時寫出黎梗係比好嗰面你地睇啦，私下港女到核爆冇同你地講。多謝男朋友成日忍受我，我又忍受下佢，忍下忍下就一世架喇。


有時我返工好X多野做，男朋友搵我我會即刻cut線，Wtsapp覆都唔覆就失左蹤，搞到佢好擔心我、係咁搵我。每次我都會鬧佢：「唔好煩啦，我打緊文！」其實我覆一句忙緊就得，但我連呢個時間都唔願意付出，仲將工作壓力發洩喺男朋友身上。
對唔住

有時我唔開心發脾氣，成塊面黑到鑊底咁對住男朋友，又要佢調轉頭做小丑氹返自己.....其實我唔應該將情緒投影喺佢度既，係我過份。
對唔住

有時我過份貪靚，卷個頭都卷成15分鐘，過曬約定左既時候都未出門口，搞到男朋友喺火車站等左我好耐。見到佢嗰陣又死要面唔道歉，又熱又炆又要忍我脾氣一定好辛苦。對唔住

雖然我係一個不折不扣既港女，不過我會改架！一定會做個賢妻良母既！
_________________________________________________________________

如果中意我既文可以去我Instagram ：lovestoryhk
或者like我facebook fanpage：紙情
/定期更新愛情文章架，多謝支持/

_________________________________________________________________