做錯事識得改過就可以了 精選 推薦

其實唔少人覺得我好似「好完美」，但係其實我份人梗係有缺點啦，冇缺點？傻的嗎。其實我都成日講出黎架，例如暴力啦、核突之類，冇用大聲公播出黎同周圍講姐，不過我諗你地九成已經唔記得左喇...如果依家既然有人想知？我梗係唔介意講。


我份人係真心暴力，唔知點解由出世到依家都中意出拳(係講緊認真出力嗰隻)。中學嗰陣已經打到啲朋友驚曬，之後情況有慢慢改善，只係轉移左對象...搵男朋友做沙包。Er..我知係唔啱啦當然，所以我忍左手好耐架喇~Sorry

另外我係極唔中意認輸，鬧交嗰陣最講唔出口就係：對唔住。我知道件事係我做錯既，不過我寧願嗲、寧願氹、寧願低頭，就係面子問題而講唔出嗰三隻字....所以有時有同樣問題既同志們問我，我都提議佢地寫落紙度，或者背住佢試下講出黎囉。我明 我真係明，係柒既，但認左好啲啦當然。

事實上每個人都會有缺陷，只要識得反省同改過就冇問題啦。既然係咁又何必成日提住以前，最後搞到令大家都唔開心？_________________________________________________________________

如果中意我既文可以去我Instagram ：lovestoryhk
或者like我facebook fanpage：紙情
/定期更新愛情文章架，多謝支持/
_________________________________________________________________