做女朋友一定唔可以講呢10句(下)

紙情 兩性專欄 於 22/05/2017 發表 收藏文章
上回就講到男朋友講咩係死罪,講左必定會令女朋友發脾氣(傳送門:上集--->http://s.fanpiece.com/Jj65osw;下集--->http://s.fanpiece.com/doDayG9)。但其實女仔唔好諗住乜都講得,有啲說話都係地雷黎,唔小心講左一定反面架!


你係咪呃我呀?

雖然女人係天生有第六感,不過有時都有諗多左既時候.....當男朋友明明清白之身,但係咁比你屈佢做錯野既話,覺得煩、覺得無理取鬧係在所難免。

點解你乜都唔識

男朋友唔係一本字典,你識既野佢未必識,你唔識既野可能佢更加唔識。如果佢唔識可以大家一齊學習,咁你喺搵資料既過程中都有著數啦。

我朋友話你好衰呀

你知唔知咩叫豬朋狗友?會比好建議既人就係好朋友;會和應你、盲目話你男朋友既就係壞朋友。一黎佢唔知件事既真相係點,二黎可能佢想講你男朋友壞話,搞到你同佢分手再乘虛而入。唔係講笑架,見過太多例子。

你咁都唔明我諗咩?

佢唔明唔係佢既錯,你乜都唔講要佢估就係你錯,有咩攤出黎講會少好多誤會。

你做咩睇我電話?

點解你睇男朋友電話ok,佢睇你電話變左冇私隱?當然呢個行為唔值得鼓吹,只係想提醒一句:唔好有雙重標準呀。
_________________________________________________________________

如果中意我既文可以去我Instagram :lovestoryhk
或者like我facebook fanpage:紙情
/定期更新愛情文章架,多謝支持/


_________________________________________________________________

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→