你係咪寵物男朋友？

近排發現 身邊愈來愈多所謂既寵物男友
咩係寵物男友呢？🐶
以下你地可以做一個小小測驗
睇下自己係咪寵物男友：

❶即使女朋友做錯 你都講到自己錯曬咁
❷擔任女朋友既司機/保姆🚗
(姐係就算冇車接送都好 都會人肉陪佢去唔同地方)
❸永遠只敢早到 冇遲到
❹買咩食咩會聽曬女朋友意見❺女朋友話唔得就一定唔會做👸
❻為避免誤會 完全唔同其他女仔接觸
❼每分每秒都會話比女朋友聽做緊咩
❽紀念日一定會整禮物
❾差唔多幅幅相都係同女朋友既合照
❿同邊個食飯都會請示女朋友先

你地中左幾多樣呢？
拿事先聲明 冇話寵物男友一定係唔好架
其實如果一個願打一個願捱
有呢種男朋友又真係幾幸福既
不過有時呢種男朋友並唔係自願變成寵物而係對方迫成既話咁就會產生問題喇
啱啱開始個陣 可能佢都唔介意咩都聽曬你話
但係一齊耐左
佢開始都會有自己既主見
當佢既行為同你心目中有落差既時候就會炒大交

其次係寵物男友可能係促成公主病女朋友既兇手
佢地事事以自己的女朋友為先
仲要比機會呢啲女仔咩事都側側膊
日子耐左..你就會發現當初咁寵佢係錯
佢地會愈來愈唔講道理

但倘若你同女朋友唔介意既話
當然可以忽視我以上所有內容啦