女讀者問:明明有做安全措施,點解仲未黎M?

little_sharing 於 26/09/2018 發表 收藏文章

「死喇,呢個月仲未黎M!」小編收到Fans嘅求救,同另一半發生關係後,好多女仔包括小編都擔心過呢個問題,明明做曬安全措施,應該無事,但一遲黎M都係驚足咁多日!傾傾下仲發現佢講左好多女仔都會問嘅問題。小編不私藏,就同大家一齊分享下情侶相處同避孕方法呢個話題!

一對穩定嘅情侶更需要每件事都有共識包括避孕,一般香港情侶大多會使用安全套或者體外射精,女仔內心都會超無安全感擔心避孕失敗,因為以上方法都由男性主導,有機會因為實際使用情況而降低成功率!

好多人覺得避孕丸唔安全和副作用多,擔心會影響生育能力,或者驚日後有左BB都會變「畸胎」。其實,不育同食避孕丸完全無關,無論食避孕丸幾耐都好,只要唔食,身體好快就恢復到食藥前嘅狀態。大量臨床研究,唔食避孕丸後嘅女仔,其實啲藥幾日內就會排出,隨時會有BB,唔會影響長遠生育,亦唔會有畸胎。

而情侶常用嘅安全套,原來只得82% - 98%成功率,因為完全正確使用下先達到98%,但實際性行為過程中,安全套穿左或者甩左,都會減低成功率。短效避孕方法當中,避孕丸嘅避孕效果可達99.7%,較安全套嘅避孕率更高!不過安全套係能夠防止性疾病傳播感染(如愛滋病)嘅唯一避孕方法,所以愈來愈多人採用雙重保護,實行你有你戴套,我有我食藥。

好多時候對避孕方法無全面了解,「識少少扮代表」,又以為體外射精好安全,但其實係極不可靠嘅避孕方法,有效性得78%,即每年用體外射精嘅100個女仔,就約有22個會唔小心有左BB。

所以預早同另一半好好分析最有效,避孕率最高嘅方法,避免小生命意外發生個陣,先發現大家諗法唔同,令關係危危乎咁。

小編仲係討論區到見到3種常見既謬誤,一次過同大家分析,唔好人講你就信!


呢位網友都講啱咗一半,避孕套唔係話有牌子就一定得,而係要睇下儲存成點 ,同埋用成點。其實係做到一半先用嘅嘢,基本上都好易中招,而在性行為中穿左、甩左、無全程用、唔啱Size又或者有任何精液漏出,都一樣會有機會中獎,安全套嘅成功率仍然維持82% - 98%,因為擺得唔啱都有機會令到避孕失敗㗎!

另外,網友提及既另一種情況,其實精子體外嘅存活時間係1至6小時內,如果過左呢段時間再進行性行為,相信唔關有無沖身事喇,因為男仔係完全射精前,可能會係自己唔知道嘅情況下溢出少量精子,都足夠令女仔懷孕。


有啲網友擔心緊避孕丸會積存係身體入面,其實當你一路食,藥物都一樣會keep住排出體外,如果唔係就唔駛日日食啦。同埋一停藥,其實已經可以隨時生BB啦,唔係網友講返唔到轉頭。

而且,避孕丸其實唔只得避孕作用,仲可以幫助舒緩婦科問題。


話唔定個女仔係研究過晒啲資料,覺得食避孕丸先有安全感呢,同埋婦科醫生其實都會開避孕丸比健康女仔食,有時候唔係咩都要靠人!仲要咁大件事,梗係靠自己啦!

其實呢,愛一個人唔係睇佢比唔比你食避孕丸,男朋友有無了解過避孕丸係咩,其實避孕丸有其他婦科好處,而唔係得大家諗到有副作用!所以都係要全面了解多啲資訊,最緊要大家對避孕方法有共識,有溝通就得。

最後,小編揀左5種避孕方法比大家參考,等大家唔洗只係聽人講,又唔知人地講得岩唔岩:

reference:
* Guillebaud J. Contraception today. 6th edition. 2007
# Rice LW. Gynecology Oncology. 2010; 118:202-207

留言


請按此登錄後留言。未成為會員? 立即註冊
    快捷鍵:←
    快捷鍵:→