港女的[性]界觀

同文化關係或多或少影響
香港女仔普遍對性事都比較收收埋埋
一係就完全唔開口
一係就講唔停 （當然呢類較少數啦）
尤其年輕一代
點解呢？



第一：家庭

家庭佔左一個人好重要位置
由細到大，爸爸媽媽對自己嘅性教育係第一身
如果父母本身都好怕醜、唔願意同仔女分享男女關係嘅奧妙，小朋友自然對兩性關係感覺模糊，到長大成人嘅時候，亦都對呢個關係唔敏感

第二：朋友

在家靠父母 出外靠朋友 呢個定律黎
如果你嘅朋輩圈子大家都會有討論兩性關係嘅話自然就唔覺得陌生啦
尤其係讀男女校嘅女仔
因為由細到大接觸男性嘅機會比較多
自然唔會因為佢係男性就唔敢同人哋有話題
呢個都係筆者認識朋友裏面所見到嘅
唔好睇小朋友圈子啊
肯踏出第一步嘅其實個世界會比你想像中闊好多


第三：學校

係香港 性教育仍然非常落後
細個健教堂 會教身男女大不同
但係無好深入講到
兩性關係、避孕方法、如何坦誠面對自己性需要
對於自己同異性身體認識 可以講係由非學校教材得到
人就一定係好奇
學校、老師愈講得少
自然就會用非正途方法去尋找
往往到出問題嘅時候只會怪當事人 而忽略左正確學習性知識嘅源頭
身體知識同心靈覺醒
應該從小就要培養


第四：性格

江山易改 本性難移
有啲人本身性格好內斂嘅
唔會立亂同陌生人講嘢，更加唔好話係男仔啦
男仔都會好想同一啲開朗活潑嘅女仔做朋友
任何關係都係靠溝通開始
係呀個人好文靜好斯文呀
但係唔開口講
人哋點知你心裏面諗緊乜嘢呢
唔係個個都咁擅長去估你嘅心底話㗎嘛

第五：社會共識

細個可能我哋不斷俾人灌輸一個知識
就係女仔唔可以做主動架
咁樣好 cheap 㗎
床事呢加野一定要男人做主動啦
如果唔係當左我係妓女咁點啊
Come on James !
而家已經係21世紀啦

女仔都可以有性需要㗎嘛
如果你想要
開口同你嘅伴侶講
相信佢哋如果狀態OK嘅話
都會想同你一齊分享呢一份快樂囉
唔使咁介意邊方做主動嘅有時男仔見到女仔做主動會更加興奮添㗎

養成呢啲生活習慣嘅話
其實對兩性關係又好
待人接物都好
對自己有益處

為咗自己嘅幸福
努力衝破一啲自己嘅心理關口啦


Lets Relax Toy 愉楽
香港首間專為夫妻而設的情趣用品店
透過情趣精品為女性提升美滿婚姻生活
Blog ： www.letsrelaxtoy.com/blogs
Online Shop: www.letsrelaxtoy.com/shop
FB: www.facebook.com/letsrelaxtoyhk/IG: letsrelaxtoy