我也可以爬到頂頂~ JUST CLIMB 兒童攀石課程 ♥

其實一年前柑B已經講緊想試攀石, 但時間上唔太夾到, 所以就一直無參加。
直至早2個月有朋友仔去左 Just Climb Climbing Gym 試堂,話好好玩, 於是就約埋朋友一齊去試堂。(試堂@$120/堂)
Just Climb 香港攀石訓練學會位處新蒲崗有5千尺, 地點都算方便, 喺 Mikiki 附近 (不過對新界人又真係遠左少少)

當日我地準時到達,小朋友上堂係最入位置, 而出面攀石場就已經有好多哥哥姐姐姨姨叔叔攀緊石, 所以我就無影相啦~

不過我都幾驚訝原來香港都幾多人中意攀石wo!

運動前先聽教練講解

之後認真熱身, 對尼幾個運動小將已經好熟練了~

50分鐘試堂課程每位小朋友可以攀上3-4次 (看小朋友程度)。

一開始係橫向, 柑B手腳唔協調, 有D雞手鴨腳, 但於教練指示下亦可完成任務

之後上下, 有左之前一次經驗輕鬆左WO

好啦, 重頭戲, 要爬上頂再掂一下天花板 (約4米) 柑B本來都仲戲皮笑臉架, 當佢見朋友爬完之後佢真係開始「笑唔出」!!

因為佢本身都有D怕高架 XDDDD

好啦, 3個朋友都完成, 柑B自然唔衰得啦~
衰左以後仲點出黎行呀, 於是咬緊牙關爬呀爬!
唔易架, 仲要摸天花, 即係單手攀石, 係單手呀!
成功!
落黎之後柑B一路陰陰咀笑, 沾沾自喜!
最後一次攀石, 同第一次比真係進步左超多!
感覺輕鬆有自信, 睇佢側邊都知佢笑緊XD

輕鬆完成!

教練應該教慣小朋友, 有愛心有耐心~
好似柑B尼類內向小心型 (即係細膽D) 嘅小朋友都會適時作出提示同鼓勵~

而對於唔跟指示嘅小朋友都會話佢架, 柑B玩開運動所以我都接觸過唔少教練, 運動教練絕對唔可以太林善~
Just Climb 尼位教練就剛剛好, 有愛心但唔等如你可以唔聽指示, GOOD!


據研究顯示, 兒童學習能力同佢獲得的成功經驗有直接關係, 越大成就感令孩子衍生越多的快樂及滿足感, 建立自信心。
攀石正正可以為小朋友帶來源源不斷成功感, 每條攀爬線路的完成都係個人能力推進嘅最佳證明, 每次成功攀爬均係一次個人成就。

同時更可以訓練小朋友手部大小肌肉!!

而Just Climb用嘅攀石器材均獲 CE 或 UIAA安全認證, 絕對安心。

如果大家都有興趣不妨去佢地 facebook 了解下, 試完堂仲可以參加恆常班~
每半年仲可以考一次試 (有證書架)
https://www.facebook.com/justclimbhk
作者：漫柑遊．柑柑媽與柑 BB
facebook page: 漫柑遊．柑柑媽與柑 BB