♥ 柑 B 1 歲了 ♥ 生日精華遊 精選

真是很久沒打柑B成長記了, 不過近日工作真是太忙…稍後再補上吧~

其實柑B已經剛剛一歲了~ ^0^
回想一年前, 產前一路忐忑, 入院受十級之痛。
回顧: ♥ 柑 B 之誕生 ♥ 屯門醫院催生記 (中）- 零止痛下的順產篇

BB 出生以及初為人母的抑鬱。
這一切一切已經不再歷歷在目XDDDD
有多痛, 有多辛苦已忘記得一清二楚。HAHA ~

生日前一星期, 訂了這個3D 蛋糕。

結果2百幾蚊一磅o既蛋糕, 竟然想影幾張靚相都唔得。


哥哥佢地又遲黎, 又要趕去食飯, 影幾張就要切蛋糕, 搞到我好失望。
不過我都無表現出失望, 證明我EQ 好高XD
好殘忍!XD



大家都問: 柑B 好叻, 唔搞個蛋糕?
WELL! 其實個蛋糕o既後腦已經比佢搞到爛曬XD

雖然柑B不喜歡哥哥, 不過好似很喜歡弟弟 ~




正日當天, 本來我想一家3口去行下。
想去遊戲室又話怕細菌, 去食buffet 又話唔知咩咩咩。
結果同62, 99去左v-city 食tea!

之前同柑B影下相~








係唔係好似幾合作呢?


事實係: 一路想走佬


講起食tea, 其實本來係想食lunch!
不過餵下粥, 搞搞下已經係下午茶時間。
我一早問左老公起碼2 次, 打左比62, 99未? 叫佢地食lunch 先, 我地去食tea!結果佢竟然無講, 要老人家等左我地成朝無野落肚!
然後佢竟然仲喃喃自語話: 車! 點知你搞o甘耐…

哦, 是但啦~

去99 家玩抓抓~
大家估下柑B抓左咩?


本來大家都以為為食仔會簡包包…


結果竟然簡左書書。


果時我真係忍唔住講左句: 阿仔, 阿媽將來靠你啦!!

之後坐新戰車, COMBI F2 去v-city ~



柑B 亦初嚐擔擔麵XD (過左水)




好中意啊~

回家再食BB 乳酪


勁好味o甘wor ~ (第2 日竟然all 左好耐無見過o既淋淋屎)

就這樣, 柑B 就過了簡單的一天。
這天爸爸媽媽都放下工作, 一家3 口真是好開心啊~

大家記得我果輯好靚o既大肚相嗎?
回顧: 超滿意 ♥ My maternity photos ♥ 完全版 @ Picsmile

我約左Justin 9月頭同柑B 影相~
只能說, Justin 是唯一一個攝影師影我而我又係覺得好滿意 ~ (比結婚相更滿意^0^)
所以本柑可是非常期待! (眾: 人地影柑B 又唔係影你!)