♥ 柑 B 成長日誌 ♥ 第十個月 – 柑媽輸給柑爸了 -_-

宅柑愛扮靚 於 19/06/2013 發表 收藏文章

回顧:

♥ 柑 B 成長日誌 ♥ 第九個月 – 男子漢! 為捍衛地盤而戰!



柑B睇起黎好似好精靈, 天不怕地不怕o甘~

事實上是一個膽小鬼。

有次搭輕鐵佢同一個陌生叔叔對望左好耐。

突然偏左下咀仔就默默流淚

好明顯佢已經忍左好耐XD

個叔叔仲同我say sorry 話唔係有心嚇佢 … (其實人地叔叔咩都無做過)

之後柑B一直悶悶不樂, 就算我比星星餅佢食, 佢都無咩表情 (不過有不停食)

心情好出街會狂聊陌生人。

但人地聊佢佢又會喊架wor!

牙仔

柑B 終於出牙仔啦~

(其實無牙仔也很可愛)

柑B
的食量

咩都中意食, 除左奶-_-

近日我地食飯都會比d 白飯佢咬, 亦有比白麵包佢食。

仲試左芝士, 同BB布丁 (中意到尖叫)

會滑腸o既火龍果都食左~

食左第日d便便會有好多火龍果核XDDD

好多BB一早都識自己拎樽自己飲奶,
但柑B一直都唔識。

但後來我先發現佢唔係唔識, 而係懶。

因為佢餓時會自己拎住個樽係o甘啜啜啜!

但大部份時候都極懶要人餵… (都唔知似邊個… 心虛ing)

繼續是: 3奶2固

發脾氣

近日柑B很愛發脾氣!

只要一有不快就會大叫大喊!

有時我話佢, 爺爺又要鍚番。

佢就扮曬野, 真是沒佢辦法! 點算?

我真係唔想柑B 變港童!


, ,
,

自從開左網床之後, 柑b一下了就學識爬再坐再企。

我估係因為佢發現網床點跌都唔痛, 所以就放膽去試~
柑B張網床好靚架, 仲有個口可以開~

不過一開左個隧道就次次都撞親頭XD (係我錯, 因為我分左心)

馬騮仔

其實柑B早一個月都仲未識爬架。

但一個爬都唔識爬o既BB竟然可以好敏捷o甘爬 sofa!

比人笑佢第日可以去搶包山。

比人禁止爬 sofa 後就開始發脾氣!


玩線頭


之前上course 話BB 會開始喜歡玩一些細微又無聊的東西。

就像是地上的一粒塵, 一條頭髮, 一條線頭。

睇下柑B, 玩尼條線頭玩左成5分鐘! 玩到胎都爆埋~


伸手=

柑B 是最近才開會了伸手。
如果得不到就會大叫, 真是愈來愈惡了!!!

叫爸爸

上個月不停叫媽媽。

今個月不停叫爸爸。

柑B真是超喜歡爸爸!

每次見到爸爸也會非常興奮。
見到我就只會好冷靜o甘伸手…
(眼還在望電視)

… 我輸了T_T

然後也說一下。

之前join 了bb care 的「在家教playgroup」

其實也滿有趣的, 不過一上完堂好多野都唔記得曬lu!

但比較深刻印象的是, 那些有閃燈有音樂的玩具其實不是太好。(IPHONE/IPAD 就完全不用說, 是垃圾! P.S. 我喜歡垃圾!)

有閃燈有音樂故之然是吸引, 但當小朋友玩慣左一d
o甘「有趣」o既玩具, 第日一d比較簡樸/益智o既玩具佢還會玩嗎?

老師比較建議o既玩具係一d自制/木制的玩具。

而我都買左D木玩具比柑B。

這個小木琴, 玩左幾次佢已經玩得頭頭是道。
小木鼓, 柑B化身小鼓手!

而最有趣是一開始柑B唔識分支鼓棍邊邊係頭,
邊邊係尾。

但睇我地玩左幾次之後佢就知道紅色圓形果面係頭, 要用果面去敲。(太神奇了~)

這個柑B唔太識玩XD
有人要來我的新居玩嗎? XDD

相關閱讀:

♥ 柑 B 之誕生 ♥ 屯門醫院催生記 (上)-
產前房瞓街篇

♥ 柑
B 之誕生 ♥
屯門醫院催生記 (中)- 零止痛下的順產篇

[/b][/url]

Like

留言


請按此登錄後留言。未成為會員? 立即註冊
    快捷鍵:←
    快捷鍵:→