智樂－免費活動 Play for All 遊戲日 (柑B變黑炭)

相信大家都聽過 playright ~

講真, 去到果一下我有D後悔, 因為勁曬, 勁多人!!
大家都知啦, 我唔曬得架嘛XDDD

而我當日嘅打扮係防曬帽, 再加一條米老鼠毛巾搭喺頭頂XDD但當我見到柑B嘅笑容, 我又覺得幾曬幾辛苦都值得啦~ (女人真係好難捉摸)

其實我都想比柑B玩水, 濕身真係唔係問題, 不過 D 水真係比人玩到好dirty ~
我最後都係過唔到自己果關XDD

搬紙箱

幻想自己是小小建築師, 柑B好開心咁玩左 20分鐘! (所以我爆曬左20分鐘)
好多大人都玩得不亦樂乎 ~

雖然間中也有小爭執, 不過小朋友事小朋友了, 我都盡量不插手。
他們總會有自己相處嘅方法 ~
柑B亦了解自己細粒唔夠人打尼個事實, 所以唔會同人硬踫, 佢會一拎起就跑或者見人行開左先拎 ~ XD


彈彈彈車內膽


尼個勁好玩, 好考平衡力
原來咁簡單嘅玩意可以咁好玩!


柑B亦同一隻馬騮無分別~
其實當日亦有段小插曲, 人地跳緊我已經警告左柑 B咪爬埋去, 結果真係比人西左一腳, 手臂都瘀埋。

佢仲好可憐咁行埋我度, 我就忍唔住話佢: 媽咪已經一早叫左你又唔聽。

次次柑B唔聽我講都會受到教瞓XD
好似有一次我叫佢唔好喺街玩 lego 人, 佢係要玩。

我: 你一陣跌左lego 人落坑渠唔好喊!
點知2 步之後佢真係跌左lego 人落坑渠 XDDD

音樂毛毛蟲


拉下邊條絲帶有聲音?

柑B好似BB XDDD
同 BB 企埋一齊亦無遺和感~ haha ~

竹筒運木珠

其實尼個遊戲係由家長小朋友一齊用竹筒去建做一D斜道, 再比D 珠珠look 落去。
不過就變左收集珠珠遊戲 ~ XD
小朋友努力收集珠珠~

柑B又手短腳短, 左手執1粒, 右手跌5粒XD
不過有D 小朋友好好, 見柑B咁可憐都主動比左d 珠珠柑 B ~
玩下水


即是我接受唔到柑B落水, 都唔介意佢玩下水。
不過可憐柑 B 成日比人搶野, 最終喊住走左去...XD

水床


柑B 話唔好玩XD
其實當日仲有好多遊戲, 不過柑B太長情, 一個 game 可以自 high 20-30mins, 所以有好多game 都miss 左~ (eg: 禾稈草, 水滑道 etc ...)

其實今次都有尼個膠盤 game ~
不過柑B 無玩~ (照片是 4月份的playright 活動)

因為 5 點就收, 難得我請假, 當然要玩盡佢, 帶於是左柑B去荃灣廣場繼續玩~換件衫, 食塊餅~

荃灣廣場都好好玩, 不過放假好多人~
平日就少人好多~

都有挑戰性架~


玩到6 點又收~ 又比人趕XDD

之後同等爸爸放工, 食完 dinner, 柑 B 就呼呼大睡。

playright 活動真係好玩架~
大家不妨like 佢個page 呀!

Playright Children’s Play Association

所有小朋友　想玩一齊嚟 －Play for All 遊戲日

智樂真心相信，每一位小朋友都需要遊戲。當孩子放下你我，不分高下，為玩而投入，最令人開心。在創造「#升級遊樂場」的硬件環境以外，人的立場、態度、見識等軟件一同配合，更新提升，才能令所有孩子一同遊樂的美夢成真。
...智樂的Play for All 遊戲日就為相信這個理念的大小朋友，帶來實實在在的遊戲體驗。歡迎大家前來，以玩遊戲來支持不一樣的朋友，以玩創造大同！

參加辦法：免費開放，即場參與
遊戲項目：質感方塊、水床、水之牆、彈彈彈車內膽、水滑道、禾稈草天地、枕頭大戰、七彩泡泡池、夏日水動樂、音樂毛毛蟲、竹筒運木珠、Snug and Outdoor、激輪滑梯、反斗泰山
溫馨提示：部份遊戲會玩得污糟或濕身，建議帶備額外衣物更換

(照片是 今年年頭的playright 活動)

又講番, 今次主旨係: 當孩子放下你我，不分高下，為玩而投入，最令人開心

其實一直會分你我的, 並不是小孩, 而是大人, 值得我們深思:)

playright 相關:

柑 B 成長日記之假日去邊玩 No.1 ♥ 元朗綠化嘉年華 ♥