太空館展覽廳重新開放啦 ♥

太空館終於重開啦~

柑仔一向對天文好好奇, 所以就即預約去參觀!

如果大家用博物館通行証記得預約, 唔可以walk in架!

當天我們預約左下午5PM-7PM, 4:45PM 到達後已經可以開始進場了。

要出示 QR code 及博物館通行証。
大家可以由地下開始行, 又可以選擇由1樓開始行。

入場前工作人員會比手帶你帶住。

太空館新裝修完好靚呀!

不過資料性內容對5歳小朋友就偏深, 絕對唔係九大行星或者土星環由咩形成尼個水平XD

有時我對住D 簡介講完一次我都唔知自己講左D咩 …

如果你本身熱愛天文就一定唔好錯過啦~
不過展品（如：太空人廁所、太空人睡床、火箭發射、衞星模型等）同各項遊戲體驗都好有趣 ~ (部份圖片及資料取於太空館網站)

「迷失方向」進入一個上下顛倒的虛擬太空站, 體驗在太空中身處於無重狀態下迷失方向的感覺, 超真實, 我睇到頭暈 0.0

「作用力與反作用力」施力於固定的轉盤令自己轉動, 了解反作用力在推動火箭的原理

「倒數計時」酒泉衞星發射中心, 模擬發射長征二號F火箭, 小朋友睇到好開心

「冰封天體」利用乾冰製成彗星, 模擬彗星的噴流及運動


以平衡力滑過九大行星

太空人廁所、太空人睡床

各式模型

「神州號太空船返回艙」

仲有同其他小朋友一齊合作發射火箭的遊戲!

如果小朋友太細, 我都唔建議去, 因為應該睇唔明 (同太黑可能會驚)

展覽廳入場時段

	一	二*	三	四	五	六	日及公眾假期**
上午10時 -下午1時	X	X	X	X	X	✓	✓
下午1 - 3時	✓	X	✓	✓	✓	✓	✓
下午3 - 5時	✓	X	✓	✓	✓	✓	✓
下午5 - 7時	✓	X	✓	✓	✓	✓	✓
晚上7 - 9時	✓	X	✓	✓	✓	✓	✓

* 逢星期二休館(公眾假期除外)

全日制學生及博物館通行證持有人如欲免費參觀展覽廳, 需先行在太空館網頁預約參觀時段(星期三除外), 網上預約將於參觀日前一星期內接受申請。

網上預約免費參觀展覽廳 (只限全日制學生或持有博物館通行證人士)

作者：漫柑遊．柑柑媽與柑 BB
facebook page: 漫柑遊．柑柑媽與柑 BB