~ஐ 唔係診所 ♥ 置地廣場特色酒吧 ♥ Dr. Fern's Gin Parlour ஐ~

o係中環返工都一段時間，基本上每日都會經過呢間店的門口，由於裝修完全唔透光，一直以為係診所。前兩日同老闆經過終於忍唔住講左句，佢話係酒吧黎自己去過，入面裝修都幾靚，呢日見早放工就去試試！

Dr.Fren's Gin Parlour
中環皇后大道中15號置地廣場地庫B31A號舖(近G出口)

黎到有兩道門，左邊比較高，不過右邊比較矮那道才是真正入口（哈）
入面設計帶點懷舊的感覺，配上柔和色調燈光及木系傢俱，感覺溫暖有少少英式復古感。
Bar 台都好靚，基本上每一個位都是打卡位。

餐牌設計用返診所牌板元素，如果好似我呢ｄ比較少飲酒的，單睇酒名其實都唔會估到係咩味道，建議先看看自己對味道偏好上面著手再請侍應推介。

我地揀左Doctor's Prescription (Seasonal Price $190)
呢款屬於是日精選，所以價錢浮動，今日的有橙蘋果香，酒味唔太重，甜甜地幾好飲。
侍應見我地影相仲借左個燈比我地用，好貼心。

真係唔飲得酒都唔會掃興，因為仲有咖啡或茶可以揀，估佢唔到。
飲酒的地方，食物方面選擇不多，都是Ham & Cheese o個D Share Plate為主！
環境同服務都唔錯，加上夠隱秘，放工飲杯先返屋企都唔錯~~

For Collaboration and Invitation,
Please send to : littlecatt@gmail.com
FB Page: Kawai / Small Talk Corner
Blogspot。TheZtyle。Beautylife。FanPiece。
BECB＠Beautyexchange。Openrice。She.com。U lifestyle。Weshare