~ஐ 打卡 ♥ 文青風cafe ♥ 桔梗 ஐ~

放假最好就係搵間cafe hea 返半個下午，呢日去左台北人氣過江龍cafe 桔梗，
其實上年去台北都去過本店，空間感大食物感覺都唔錯，不過香港店就評論好壞參半，
所以決定自己去感受下！

入到門口會派餐牌，同台北店最大分別就係大部分都要自助，
包括點餐拎餐具取餐同埋餐後收拾，不會有特別人手去幫手，嗯。。。。

楓糖培根鹹甜豬豬 $88
三文治麵包係比較硬身類似豬仔包，旁邊有少量薯片（係卡樂B黃色袋那款）
好有心思層層疊咁排，要影到相機食先相一點也不困難。
味道方面我覺得有改善的空間，麵包夠脆身但唔熱的，配料豬頸肉好juicy，加埋蘋果的爽甜都幾夾，切開太陽蛋流汁那一刻是好治癒的，打卡一流。

是日果果昔昔 $68
一份是兩杯果昔，會因應每日新解水果而決定口味，這天供應的是藍莓加上雜莓乳酪。
雜莓乳酪base加入不少果仁餅乾碎及水果粒，增加口感層次，乳酪Base味道唔死甜有少少莓香感覺清新，作為甜品也很不錯。

這類賣點應該是三層樓各有風格，樓底高空間感大，地下裝修文青風格，好多乾花大型書架大落地玻璃，二樓是桌球室，不過冷氣就唔太夠， 三樓是天台夜晚可以shisha。

注意返餐廳五點會休息一小時以作準備晚市燉飯，四時就是Last Order，而三文治輕食只會於早午市供應，就當日我等餐點的時間不長，但我相信晚市會因為一次過太多單而等好耐！桔梗
旺角砵蘭街160號地下至2樓

For Collaboration and Invitation,
Please send to : littlecatt@gmail.com
FB Page: Kawai / Small Talk Corner
Blogspot。TheZtyle。Beautylife。FanPiece。
BECB＠Beautyexchange。Openrice。She.com。U lifestyle。Weshare