❆CP值高的omakase午餐 ♥ 壽司藝 ❆

晚市食Omakase，動輒都要四位數字，識食的當然係食午市，比晚市平而且質素唔會差！
老闆忽然話想食好D，最終搵左呢間o係大坑壽司藝，貪門口有錶位，泊車上落容易
午市10件壽司再加一碗烏冬連加一都是300左右，我地係搭的士來回，計埋的士錢都賺左～

坐下侍應已送上三款前菜及茶碗蒸的拼盤，茶碗蒸蒸得好滑溜，好食。

裝修是典型日本風，除左一間包廂外，客人都係坐吧台，望住師傅整壽司～～
當日都唔算太多客人，一個師傅服務一組客人，輕鬆有交流！
揀左10件壽司o個個Set，師傅了解左我地有咩唔食就著手遂件整，魚生口味由淡至濃。
第一件出場係帶子壽司，帶子好厚身，加左少少柚子，多了一份清新感！之後是深海池魚，肉身滑溜，完全沒有腥味，讚！牡丹蝦壽司，蝦肉又甜又彈牙，超級滿足， 輕輕炙燒左金目鯛，迫出魚油後，一點都不膩，油甘魚就爽中有魚香！

後半部分是我最喜歡的重魚油的壽司，
大拖羅好厚肉好肥美，睇到d油脂就心心眼，沒有筋的，入口即溶，正呀
海膽是馬糞海膽，堆到成坐山咁，條條分明唔會爛溶溶咁就知高質，味道濃厚甘甜。
三文魚籽 以柚子輕輕點綴，沒一絲腥味，魚籽在口中慢慢爆破的感覺好正！
右口魚邊 燒得勁香，入口即溶！

中拖羅手卷
十件壽司其中一件是手卷，師傅將中拖羅剁碎，再加上洋蔥、香蔥及檸檬皮碎製成迷你手卷。個味調得唔錯，每一啖飯都有啲吞拿魚蓉，紫菜有燒過勁脆卜卜，好鐘意D細節位！
食完壽司後，侍應會上埋個細烏冬，對女生來說，其實十件壽司已經夠晒飽～～

最後仲有甜品或咖啡，呢度午市真係抵到一個點又飽到一個點，飛的來都好值得推薦。
不過注意佢地有落場時間的，夾都時間真係非常好的選擇！

壽司藝
大坑浣紗街九號地下

For Collaboration and Invitation,
Please send to : littlecatt@gmail.com
FB Page: Kawai / Small Talk Corner
Blogspot。TheZtyle。Beautylife。FanPiece。BECB＠Beautyexchange。Openrice。
She.com。U lifestyle。Weshare