｡Oﾟ☆｡初嚐立食（立ち食い）。鮨廷☆｡Oﾟ

尖沙咀金馬輪道開咗兩間好有日本特色嘅 立食（立ち食い）壽司店。顧名思義，店舖沒有沒有座位提供，客人只可站立享用美食，香港人生活節奏快，咩都追求快靚正，呢種飲食文化可能正正適合香港人急速的步伐！所有壽司都會喺你面前即刻整，你可以睇到師傅點整，有點像omakase!!　店舖不大，裝修整齊簡約，大約可容納十多個客人。


點餐主要是用點菜紙，有Ｄ似中式點心紙，
食完一轉要加單的，就再tick加單那一行，都幾易明。
客人檯面有自助的熱水，有兩款茶可供選擇，左邊的玄米茶平時很少見，很香喝得喉嚨好舒服，所以一直在喝；中間的綠茶味道清香得黎又唔會好苦，右邊的刺身醬油，不過師傅已加了適量的醬油，不是太重口味的話，也應該用不著。檯下有一個鈎，可以將自己的袋放在下面，讓客人吃得舒服。
叫了幾件壽司試試，火炙過的鰻魚壽司，帶點焦香，鰻魚夠肥美入口即化開，三文魚腩都好肥美筋唔多，飯握得夠穩陣又唔會太實，顯示到師傅功架。整體價錢平但刺身質素比想像中高！


令姐最驚喜的是日式焦糖玉子，玉子上面灑上糖，再用火槍燒到焦糖面，脆脆甜甜好似食緊焦糖燉蛋般。這個是當日Special Menu，一直沒留意，直至望到店內的黑版，會有更多即日介紹。

除了壽司仲有海鮮丼，手卷等選擇，不過我就唔太喜歡企Ｏ係度食飯啦～～
除了叉電同掛袋之外，職員仲會為客人把大褸掛在門口的架上，服務幾貼心的～～
整體來講我覺得價錢公道，食物質素不差，喜歡與否其實在於習慣，我自己來說一次就夠。

鮨廷
尖沙咀金馬倫道17號地下B舖
For Collaboration and Invitation,
Please send to : littlecatt@gmail.com
FB Page: Kawai / Small Talk Corner
Blogspot。TheZtyle。Beautylife。FanPiece。
BECB＠Beautyexchange。Openrice。
She.com。U lifestyle。Weshare