✿~ 小店子大夢想 ♥ 以花入饌 ♥ Sean Cafe ~✿

偶爾在網上看到介紹Sean Cafe的介紹，餐廳位於尖沙咀漆咸道北（其實是赫德道）一條充滿酒吧的內街，店子細細的卻滿載大理念，老闆本身是特殊學校老師，開店是為著一班容易被社會遺漏、忽視的特殊需要學生，以身聘用他們，希望實習過後，讓他們能獲更多店主聘用。

餐廳以粉藍粉紅色為主，不論桌面及Coffee Table都放置了不同的花花，
喜歡花的朋友一定會很高興了吧～
餐牌用電子餐牌的～食物定價唔算太貴，都係$50起跳。

煙肉炒蛋竹碳漢堡 $48
竹炭漢堡都幾大個，包住嫩滑的炒蛋，煙肉及沙律菜。煙肉係大大塊夾得好整齊，竹炭包本身係無味的只是視覺效果吧，不過就有事先烘脆，外脆內軟加埋嫩蛋，整體係幾出色。

拌碟有芝士味墨西哥脆片同埋少少花瓣，幾有心思的。
店舖甜品選擇唔多，大概就是即做pancake或cut cake中選擇，
最後點左個香蕉蜜糖班戟，份量唔多只得兩塊，除了香蕉外，蜜糖係玫瑰蜜，
欣賞佢味道幾清香唔造作，加埋食用花賣相堅靚，但食落就有少少凍同硬。

過下個甜品癮，或者打卡我覺得ok，都係咸食吸引我多點～～～

水果茶真係好多水果，平時少見的青提都有，而紅茶底順喉，微甜。
最後都係對Pancake有點失望的，我睇住佢即做都凍，你話幾傷心～

Sean Cafe
尖沙咀漆咸道北南29-31號溫莎大廈12A地舖 (赫德道)

For Collaboration and Invitation,
Please send to : littlecatt@gmail.com
FB Page: Kawai / Small Talk Corner
Blogspot。TheZtyle。Beautylife。FanPiece。
BECB＠Beautyexchange。Openrice。
She.com。U lifestyle。Weshare