✲ﾟ*:₀｡街坊價鮑蔘翅肚✲撈喜₀:*ﾟ✲ﾟ

家住新界西，如無意外都不會在港島盡頭見到我吧！這天同朋友們去了筲箕灣掃街頭小食，經過東大街見到呢間小店－撈喜，賣的是平食鮑蔘翅肚，蠻特別，見價錢唔貴就決定在此晚飯，小店坐位也只有約30個，眾人等位也用了一段時間，所以，不太建議大堆人一齊去啦。

餐牌第一頁就是這個撈喜豪華餐，價錢包一個招牌花膠撈麵，自選燉湯，小食及油菜各一，價錢也只是＄148，平時想食靚花膠閒閒地都要幾百蚊才有交易，確實非常吸引，眼見附近的食客都是揀這個套餐！

亦有不同的小食滿足客人所需，不過來這都是為了主食吧。

見到花膠燉雞（招牌美人湯）就心心眼啦，花膠有豐富的骨膠原，一打開蓋聞到好香既燉雞湯味，燉湯足料得很，熱度也剛好不會熨咀，喝一口味道清甜滋潤。雖然經過炖製，但材料如瘦肉粒，雞件雞腳依然嫩滑，正。
除了以上配料，入面仲有主角：花膠一大片，大小如成人的半個手掌吧！花膠口感厚身爽腍，老火燉湯令膠質保存得不錯，飲完覺得自己皮膚都立即靚左，屬必點之選！

香煎鹿兒島牛柳粒 $48
一碟約有十粒，以小鐵鑊呈上，火喉控制不錯，小小的一粒但牛味香且濃，肉質軟腍，配合芥末蜜糖汁，甜甜辣辣好惹味的說。

主食都是圍繞著鮑蔘翅肚牛肉吧，而我是不吃魚翅的，所以我揀了麻辣海蔘撈，以麻辣海鮮汁撈麵還是第一次嘗試，汁料不算太辣但確實有點麻感，就是令人有追著吃的衝動，海蔘質感爽口，並沒有太入味，只靠醬汁伴著吃。
朋友的招牌花膠撈，花膠非常大片，差不多一隻手掌般大，佔用了半個碟面，用傳統鮑魚芡汁炆煮得頗入味，保留咬口之餘亦不會淋晒，屬爽口，每一口都感受豐富的膠原蛋白。蝦籽撈粗彈牙不會有麵水味。女生來說份量剛好，男生就可能會覺得少。不過，以性價比來講，還是有一定的吸引力，平常在茶餐廳吃一個飯也要這個價錢吧，只是筲箕灣真係遠左少少，另外食唔到鮑魚都有d失望，下次要再去呢。
撈喜
筲箕灣東大街4-10號地下3A號舖

For Collaboration and Invitation,
Please send to : littlecatt@gmail.com
FB Page: Kawai / Small Talk Corner
Blogspot。TheZtyle。Beautylife。FanPiece。BECB＠Beautyexchange。Openrice。
She.com。U lifestyle。Weshare