~✿粉紅少女心♥ 文青花花Cafe ♥花說Fara xoxo ✿~

恭喜好友開左間全香港最韓式的少女Cafe－花說！只係開左短短兩個星期已經好多人去朝聖。而兩張粉紅台係必影打卡位！如果指定想坐粉紅色檯的話，記得要早D打電話去訂位，我知道已經BOOK到兩星期後！
日頭走少女風，夜晚就會型格o的！

除左粉紅椅，仲有幾張白色雲石台，都可以影到文青Feel o架！
不過o個晚（八月初）依然 full house，所以都係訂位最穩陣。
黎Cafe除左影相，野食都係一個重要的元素。呢度除了咖啡外，仲有好多朱古力/梳打類飲品供應，雖然係用普通的玻璃杯放住，但因為顏色靚，都係打卡好道具！
富士山特調 ＄45
So Photogenic！淺藍色嘅波子汽水+白色泡泡cream，就係富士山啦！味道好清新，冰冰涼涼又解渴，夏天飲就最適合。上層奶泡加左少少海鹽，咸咸地咁既可以平衡甜味，特別而不突兀！

小食方面種類唔算多，薯條雞翼都有齊，我就叫左雞翼試下！雞翼4隻(士多啤梨) ＄30
預先煎香左o既雞中翼用士多啤梨汁包著，醬汁濃稠度剛好，不會滴落，味道甜甜酸酸非常開胃討好，而且呢隻粉紅色嘅紅鶴碟實在太靚了，加晒分！

Mr.K 揀左菠菜汁煙肉意粉！麵條彈牙，白汁唔會太濃但又足夠掛汁，味道偏淡，總好過太濃吃不慣，整體來說，夏天食都覺得清爽。如果可以增加份量更好！
黎Cafe 當然要食All Day Breakfast，呢度仲有三款俾你揀，我呢個係 Set C ＄98
ADB都係o個d 腸呀蛋呀沙律咁，但呢一款最特別係有半個牛油果架！牛油果生熟度剛好，油潤度夠，炒蛋炒得好滑黑松露令食味更有層次，各種調味同編排都算唔錯，加上用雲石碟，成件事好適合相機食先，捉到女生去Cafe的心理，就係食物要靚。雖然係主打女生，但食起嚟分量十足！呢個ADB比好多大型連鎖店做得更好，價錢唔係跳樓價但都叫做Reasonable。
粉紅色，花花，全部都係女生最愛，所以cafe 吸引到不少女孩來打卡。雖然Kawai 都好多時去Cafe影相，但呢間係感覺好唔同，所有客人都會著得靚靚咁行黎行去影相，玩得好開心，而且相片效果出黎又真係幾靚o既！

花說 Fara Xoxo
長沙灣福榮街565號地舖 (近荔枝角地鐵站)訂位:28869110

For Collaboration and Invitation,
Please send to : littlecatt@gmail.com
FB Page: Kawai / Small Talk Corner
Blogspot。TheZtyle。Beautylife。FanPiece。
BECB＠Beautyexchange。Openrice。
She.com。U lifestyle。Weshare