｡Oﾟ☆｡百變法式閃電泡芙 ♥ L'Eclair de Genie｡☆｡Oﾟ

記得細細個o既時候，媽咪會買泡芙俾我做放學後的飯前點心。不過，自從屋企樓下o既餅店停止供應泡芙後，已經無同媽咪一齊食泡芙啦！這天早左放工，就買左幾件泡芙同媽咪一齊食，重拾童年的回憶！

買的時候好爭扎，因為個個都靚都特別，選擇困難症又再發作，最後揀了(左起)
N234 楊枝甘露 $38 ，N7 香橙開心果 $45 ，N258 雲呢拿紅桑子 $45 ，N117 至尊黑朱古力 $45

返到家媽媽見到是長條型覺得好奇怪，我解釋這個是經典的法式經典甜品 éclair （閃電泡芙），因味道吸引，很多時能誘使享用者電光火石間瞬速吃掉而得名。

媽媽揀了N234 楊枝甘露 $38，咬開有滿滿的西米溢出，加上清甜的椰子忌廉，同時令的芒果，充滿層次感，閃電一聲就食晒成條！（我連相都無影到）

N117 至尊黑朱古力 $45 都係媽媽杯茶，因為唔會過份甜。黑朱古力的濃厚深度是大人才會明白的，夾層朱古力忌廉口感幼滑，而且不甜膩。再加上尊貴黑金朱古力片點綴，閃閃靚到爆炸！整體來講媽咪都幾鐘意，因為唔會太甜！
N7 香橙開心果 $45
呢個係我最感興趣的，因為我是開心果控！亮綠的外層加上糖醬香橙粒提升鮮果酸香，味道搭配，內餡忌廉依然軟滑，味道卻偏重橙味多一點，食後唔會覺得甜膩，酸酸的很醒胃。

另外仲買左幾件貝殼蛋糕，因為貝殼蛋糕都是法國傳統小食，L'Eclair de Genie 的貝殼蛋糕都經過真空處理， 食用日期也有一星期。此貝殼蛋糕最特別是在面層加添了白朱古力和黑朱加力外層，更添香甜及口感。

口感實在，但相比閃電泡芙，單吃貝殼蛋糕的味道偏甜，相信要配熱茶或咖啡一起品嚐！
金鐘店仲有坐位提供，同朋友即買即食最開心！仲有咖啡同雪糕供應的！

L'Eclair de Genie
金鐘金鐘道88號太古廣場1樓113號
中環遮打道10號太子大廈1樓
觀塘觀塘觀塘道418號創紀之城五期(apm)1樓L1-15號
太古太古城道18號太古城中心2樓236-237號

For Collaboration and Invitation,
Please send to : littlecatt@gmail.com
FB Page: Kawai / Small Talk Corner
Blogspot。TheZtyle。Beautylife。FanPiece。
BECB＠Beautyexchange。Openrice。
She.com。U lifestyle。Weshare