❆ 抵食高質越南小食店 ♥ Cóm Bánh Mì by Chef Phuc Dat Bich❆

講起食越南野，識食嘅當然去細舖啦，前幾日同幾個朋友嚟到灣仔，食左個高質嘅越南簡餐
。店子不大，只有四款主菜及四款小食共8款，專注地做好每一個菜式！價錢仲要好抵，當茶記都四五十蚊落樓時。。。。。

會安生牛肉湯河 ($60)
加左牛筒骨煲足一日一夜的湯底好鮮甜唔油膩，美國生牛肉薄切，放落湯底好快熟，但食落依然好嫩滑，金邊粉質感煙韌有彈性，湯頭飲完都唔會口喝！

香茅豬扒法包 ($60)
因為Kawai 喜歡澱粉質，所以對包包的期望比較高，越南法包係即叫即包，法包脆身，薄身的香茅豬扒炸到脆卜卜，隔油做得好所以唔會油淋淋，而且入面嘅配料夠多，塞到個包滿一滿，唔會話就住就住，令人食得好滿足！

會安雞湯河 ($60)湯底同牛肉河絕對不同，呢個係清湯底泛著淡淡的雞油香，雞件用三黄雞，雞味濃又唔會肥淋淋，而河粉依然是煙韌有彈性，呢個價錢性價比唔低。

鮮蝦豬肉米紙卷 ($40/4pcs)
米紙卷入面包左大量的蔬菜及豬肉，大大隻鮮蝦好彈牙，配合泰式甜酸汁好開胃！
店子不大，人流都不少，氣氛cozy感覺如在會安小食店食飯，好適合簡單食餐飯！最緊要抵食又好食嘛！


Cóm Bánh Mì by Chef Phuc Dat Bich
灣仔大王東街28號地舖

For Collaboration and Invitation,
Please send to : littlecatt@gmail.com
FB Page: Kawai / Small Talk Corner
Blogspot。TheZtyle。Beautylife。FanPiece。
BECB＠Beautyexchange。Openrice。
She.com。U lifestyle。Weshare