(｡◕‿◕) 抵食的鬧市中健康午餐 ♥ Green Waffle Diner (◕‿◕｡)

銅鑼灣要搵一間坐得舒服環境開揚的餐廳，只有往上找。
早前，同兩位朋友臨時約Lunch，來到去左間希慎廣場十三樓嘅Green Waffle Diner 用餐，大大個玻璃窗灑入天然光，寧靜的窗邊卡位同埋雲石餐枱，成個環境估不到就在鬧市中。

一入門口有自選Salad Bar，有大概五至六款沙律，每日新鮮製作，紅紅綠綠好吸引。

午市可以選擇睇大餐牌 À la carte，另有抵食的午市套餐，包主菜，半份窩夫，餐茶，價錢亦比單點相宜，份量亦沒相差太遠。

Fresh Salad 可以揀Portion，Small Size $58/揀三款，Large Size $78/揀五款，配餐飲會有半價！
小Size適合二至三人分享，揀左紅菜頭，菠蘿煙雞肉，同埋煙肉羽衣甘藍。
煙肉羽衣甘藍沙律嘅煙肉切成片狀同埋輕煎過，油份唔重，口感香脆有適量油香，而羽衣甘藍就一貫的爽口有微微甘澀，加埋少少沙律醬，感覺都幾清新唔膩！
紅菜頭 切到大大粒，保留口感爽嫩，配上苦澀的火箭菜，簡單的調味，不造作夠天然。
菠蘿煙雞肉 烤過的菠蘿，咬開水份十足且夠香甜，煙雞肉粒肉質嫩滑，不會鞋口，沒有太多調味醬汁，感覺健康。

煙三文魚水煮蛋鬆餠伴哈蜜瓜$84
這裡的水煮蛋控制得不錯，流心度剛剛好，而荷蘭汁酸酸甜甜也開胃，只是配哈密瓜有點奇怪的感覺，不過，哈密瓜且夠爽甜有果香。

薯粒鑊仔是餐廳的招牌主菜，所以我地都叫左一個Share！煙火腿蕃茄薯粒鑊仔 $88
熱辣辣的鑊仔放滿薯粒，小蕃茄，青椒及兩隻半熟蛋，五色食療都有齊，加上雲石餐枱，天然光，成個Presentation加左好多分，未食都已經覺得不得了！

薯粒外脆內軟，以溫泉蛋拌勻進食，鑊氣十足富蛋香，加入大量蔬菜平衡油膩感，口感豐富又好味，果然是招牌菜式，澱粉質迷必試！
午市套餐附送半份原味窩夫，可以加錢配雪糕。
是最經典比較薄身的的美式窩夫，外脆內暖，蛋香不算太突出但都算香口。
配埋雪糕一冷一熱 Perfect Match，朱古力雪糕味道濃 相比下 草莓雪糕冰感高，口感一般～

Jumping Jack
以香蕉、玉桂粉、杏仁片及豆奶打製而成的 smoothie，質感濃稠，有濃濃的香蕉的天然香甜，還夾雜著新鮮香蕉粒，豆味好香，感覺好健康，淡淡的玉桂香令佢無咁單調！

自選沙律夠健康，薯粒鑊仔惹味都係推介之選，還意外地發現呢度有 Smoothie Bowl 供應，呢樣以鮮果切成的食物，在銅鑼灣來說是比較難找到。（中環就好多地方有供應）都幾Surprised！如果想食清D，呢度都係一個好選擇！
Green Waffle Diner
銅鑼灣軒尼詩道500號希慎廣場13樓1303號舖
中環嘉咸街35-39號嘉豪大廈地舖

For Collaboration and Invitation,
Please send to : littlecatt@gmail.com
FB Page: Kawai / Small Talk Corner Blogspot。TheZtyle。Beautylife。FanPiece。
BECB＠Beautyexchange。Openrice。
She.com。U lifestyle。Weshare