✲ﾟ*:₀｡ 火燒蟶子 ✲ 利星火鍋海鮮小炒 ｡₀:*ﾟ

又到了一個月一次的派花生聚會，派得花生當然係揀食中菜，仲要揀有咁熱鬧（嘈）得咁熱鬧先係正路！其實，我都好喜歡食西餐的，但係講句野大聲點都會俾人眼超超的時候，不如安心做麻甩小寶寶，同我嘈爆佢～哈！

今次我地揀左深水步的利星火鍋海鮮小炒，聽到深水步好似好毒男咁，其實只要你有用電腦都會落黃金高登商場睇野，一點都不毒，而且深水步好多好野食又有氣氛。

店員介紹 招牌鐵板火焰蟶子皇，話相機食先最o岩！上台會淋上高濃酒製作火焰效果。
我地以為只是細火，誰知是熊熊大火，火焰足以把蟶子包圍著，嘩嘩聲！

貼心的店員提醒要盡快享用，因為鐵板是熱的再拍的話蟶子口感會老肉質變韌。蟶子皇比手掌還要大隻，用豉椒快炒加酒香，少少辣好惹味！（時價，當晚應是$68/隻）

什錦煙肉大盆花菜 $88
都是店員介紹的，用一個平時中盆菜的盆上桌，用辣椒爆過的白椰菜好香口，少少辣，堆到好似小山丘咁，加上蝦乾煙肉蔥段更顯咸香，賣相同味道都好吸引！
黃金棒棒蝦 $168
每一碟有八件，排列成一個太陽花的圖案，開左殼的蝦用竹籤串好，方便拿著進食。炸蝦面層舖上了適量的鹹蛋黃，味道鹹香可口，有點似黃金蝦，但這個已開殼更易食。

乾隆生菜包 $108
這個我覺得麻麻地，肉碎加上蟹子素翅，賣相金金黃黃係吸引的，不過食到一半覺得好油膩，就算加了生菜都未能減少油膩感，相比下感覺一般。

食到咁上下，店員說有甜品附送，我以為是例牌的紅豆沙吧。估不到是杞子桂花糕，仲要是小錦鯉的造型，很別致，味道是淡淡的沒有太明顯的桂花香，而口感有點像jelly 吧！

不如外間的中菜廳，利星大部分的菜式都是花心思設計，賣相味道都算中上，加上店員好熱心，最初我們想不到吃什麼，他問一下預算及有什麼不想吃，就幫我們快速發好辦，最後價錢同我地預算相差也不遠。
利星火鍋海鮮小炒
深水埗福華街151號地下

For Collaboration and Invitation,
Please send to : littlecatt@gmail.com
FB Page: Kawai / Small Talk Corner
Blogspot。TheZtyle。Beautylife。FanPiece。
BECB＠Beautyexchange。Openrice。
She.com。U lifestyle。Weshare