～✿ 吸睛度滿分 ♥ Tiffany Blue 星球漢堡 ♥ Burger Jobs ✿～

早前在Facebook 見到這個Tiffany Blue 的漢堡包洗版，覺得夠晒新奇又特別，所以就約同朋友仔專程來荃灣一試。睇下是咪空有外表而味道得個桔。店子是在荃灣美食集中地--荃興徑，開業不久，隔店就是彩虹芝士拉絲吐司，兩者都是眼球食先的澱粉質。

餐牌有大概10款burger ,全部都可跟餐，有小田園沙律同超厚切即炸薯條及汽水！
另外都見到有小食同意粉類！

Tiffany Blue爆芝流心雞扒漢堡餐 $88
粉藍色的漢堡包皮是餐廳自家制的，製作時加入了蝶豆花做原材料，天然美美的顏色，亦因要保持搶眼的顏色，以低温慢焗的方法處理，所以比平時的包包乾身點，但個樣真是超美美的，可以彌補到口感不足。

最特別是剛炸起的餡料芝心雞排，金黃色的雞排一咬開就見到芝士緩緩流出，芝士增加濕潤感及咸香，再配上鮮茄紅洋蔥圈生菜同特製的醬汁，份量十足。
套餐包飲品，沙律及薯條，用個靚靚的架放著，薯條包到好似花束般精緻，加上可以堂食，感覺如像Fine Dining。小田園沙律加上了麻醬，不過不失吧！另外，仲叫咗一個招牌煙肉蛋手打漢堡包 手打扒是用美國安格斯牛肉打成，脂肪比例比較好肉汁多口感軟滑，煙肉煎至半脆身不油膩，差唔多有一個男生嘅拳頭咁大，份量十足。

小朋友揀左 黑松露忌廉帶子意粉 小店所有食物都是即制的，意粉上台時更見到出煙，意粉煮得彈牙，黑松露醬汁奶味比較重，松露香是淡淡然的，醬汁濃郁度剛好，足夠包著每一條意粉，不會過乾，帶子屬於小小一顆，但只是＄58，算是不錯的size dish吧！畢竟，這裡漢堡才是主菜喔！

裝修充滿型格，空間感大，得閒坐低食個包都幾爽。
Burger Jobs
荃灣荃興徑2-8號昌泰大廈地下7A舖

For Collaboration and Invitation,
Please send to : littlecatt@gmail.com
FB Page: Kawai / Small Talk Corner Blogspot。TheZtyle。Beautylife。FanPiece。
BECB＠Beautyexchange。Openrice。
She.com。U lifestyle。Weshare