♥ 九龍城小店 ✿ 中式滋潤甜蜜蜜 ✿ 地茂館甜品 ♥

上星期五，食完蠔宴，三位久未見面的朋友自然嫌不夠，去附近找甜的慰勞第二個胃，因為朋友想食中式糖水，九龍城純中式的甜品店，選擇不多，大概也是合成和地茂館之爭，因為上次俾湯丸嚇親，最後揀左地茂館。

星期五晚等候客人比較多，大概等了十分鐘左右就安排入座，
十分鐘大概可以望望門口掛著的大型餐牌，先想想待會吃什麼。
我哋決定左叫星州靚喳咋（冷熱同價$21）喳咋當然是點熱食，可以見到呢一碗糖水並沒有偷工減料，只差一點點或服務員手震必定滿瀉，臨上枱前再放上椰奶。

喜歡食喳咋的朋友，大概都是因為一碗有齊不同的豆豆，這兒的出品，豆量是屬於非常非常之多，而且亦都唔會煮得太淋身，留有適量的咬口，伴著椰奶香，非常滿足。至於溫度方面，是適合入口又不會過凍。
另外叫了一客軟滑糖不甩 $15一客有八粒糖不甩，份量都算幾多，質感彈牙帶QQ的，雖然用糖水煮過，但味道不會太甜，可以根據喜好加埋花生碎一齊食，少少脆更香口，的確係招牌！

雖然是小店，但看得出食物有堅持，對得住價錢，喜歡舊式糖水的朋友大可一試。

地茂館甜品
九龍城福佬村道47號地舖

For Collaboration and Invitation,
Please send to : littlecatt@gmail.com
FB Page: Kawai / Small Talk Corner
Blogspot。TheZtyle。Beautylife。FanPiece。
BECB＠Beautyexchange。Openrice。
She.com。U lifestyle。Weshare