｡oﾟ☆｡茶餐廳扮清糕 ✲ Twinkle Baker Decor ☆｡oﾟ

記得過新年的時候，買了 Twinkle Baker Decor 的蛋糕去朋友家拜年，發現味道不會過於甜漏又有店舖特色，心底裡都幾喜歡這小店，是Kawai 買杯子蛋糕頭三位內！
知道佢地有新的Collection，還要是香港人都有共鳴的茶餐廳系列，放工就約埋朋友一齊踩上去，買幾個試試！舊文： ✿反轉傳統 ♥ Fusion Cupcake ♥ Twinkle Baker Decor ✿

沒見一排，店舖裝修已變了天，由最初似精品店的樣子變成半開放式，感覺開揚多了，仲加設coffee corner，食件餅飲杯咖啡是完全沒問題，全新形象有點意想不到～　
港式茶餐廳系列改左個有趣的名字－扮清糕，同店家的名字同音呢，而且仲食到蛋糕的糕字，好貼地又傳神，成個系列有八個不同的口味，港式奶茶，凍檸茶，好立克，凍檸賓，咸檸七，紅豆冰，奶醬多菠蘿油。仲會配合不同的招紙，凍飲會加小吸管，遠看好似真的飲品，好細緻！每件＄28，一般杯子蛋糕的售價。

同場仲有冬甩選擇。

我地是放工後飯局前去，所以只揀了幾件分享，店內沒有椅子，但有高身桌可以即食，
第一個是咸檸七，店員說是最後一個，所以二話不說就選了它，
店員教路，食法是先唧青檸汁到忌廉上再品嚐，而閃閃發亮的是海鹽，加左新鮮青檸，味道都幾似真的咸檸七，蛋糕質感鬆軟適中，入面仲有一小粒咸檸檬，整體清新不太甜漏。
之後揀了紅豆冰，紅豆Cream Cheese 加入粒粒紅豆，有齊飲筒及匙羹，超精緻，蛋糕入面都有紅豆夾心，紅豆味挺足的，不過就有點甜（因為有糖粒係上面）。

凍檸賓有糖漬檸檬片加利賓納o者喱糖裝飾著，賣相既可愛又細緻，顏色最突出，忌廉有明顯的提子甜味，糖潰檸檬片酸酸甜甜都幾吸引。

最後揀了不是飲品的奶醬多，上面有幾粒烘多士，超美的，味道方面好傳神，忌廉有濃濃的奶香及花生香，但蛋糕就沒有夾心了，如果加少少花生醬做內餡就更吸引！
朋友好喜歡食冬甩，見到又想試吃一下，就買了一個分來吃，
伯爵茶朱古力味冬甩，比較甜同埋伯爵茶味不夠突出，朱古力比較搶味，而且質感不夠鬆軟，相對來說，有點失色，都是杯子蛋糕最好！
試左四款港式茶餐廳系列，四款口味都配合本身特質 ，小小的一件做茶點做散水餅都是好選擇又過癮。


Twinkle Baker Decor
尖沙咀麼地道63號好時中心2樓282號舖 2114 0052

For Collaboration and Invitation,
Please send to : littlecatt@gmail.com
FB Page: Kawai / Small Talk Corner
Blogspot。TheZtyle。Beautylife。FanPiece。
BECB＠Beautyexchange。Openrice。
She.com。U lifestyle。Weshare