｡oﾟ☆｡ 黃色小盒主題Tea Set ❤ Shelter Lounge ☆｡oﾟ

十個女仔九個半都喜歡食Afternoon Tea，
份量不大又可以吹吹水一個唔該可以呃埋LIKE，
我想，最後那半個唔想去大概都是怕甜怕膩同埋全年要減肥～哈！
如果加入左茶的元素，感覺健康點天然點，應該個個女生都抗拒不了～

早前，到了西環 Shelter Lounge 參加了Miss Tiara x Lipton 英式下午茶派對。
一來到就有用Lipton 紅茶沖的welcome drink， 有啖啖的荔枝味，夏天飲的確唔錯。
今日仲請到美女廚神 Kit Mak 為嘉賓，介紹一下 Tea Set 的各款食物。

呢個Tea Set 售價為 ($268 /2人份)，價錢相宜且份量十足。
包括咸點四款，甜點四款，加埋英式鬆餅，咖啡或茶～
而且有幾款食物都是以茶入饌，喜歡茶味的朋友可以一戰！
最吸睛的是中間的茶包造型的曲奇，細緻地繫上茶包的標籤，充滿玩味。

英式鬆餅配以兩款果醬 Cream Cheese 及 藍莓醬，
藍莓醬粒粒晶瑩剔透，而且不算太甜，可為乾身的英式鬆餅加點濕潤感。

四款甜品中有三款都是有茶的元素，
包括了茶包造型曲奇，茶味不太濃烈，適合一開始就先吃，不然就被咸點蓋過了。另外的是茶味Jelly，夏天食冰凍的Jelly超級爽，感覺輕盈不膩，加左酸味的水果，
好像在飲夏日特飲，so fresh！
最後是 茶味Cream Burlee ，自己覺得一般吧，因為面層的焦糖都溶化了，
蛋夠滑但實在太甜。

相對甜點，咸點更為吸引，黑魚籽煙三文魚包 及 蟹籽蝦沙律酥餅都好鮮味，蝦係超彈牙的，超好吃，至於煙肉蛋批夠惹味，少少的一件份量剛剛好，不會太飽肚。

最後仲有Kit Mak 教我地用不同的食材做自己的夏日特飲，
材料有已切片切粒的水果及經過蜜糖或冰糖糖漬果物，
可以根據自己的喜好加入紅茶中，自創口味。
大師的作品，可見加入不同的元素，樣子及味道都會不同，
屋企開Party 只要預先做好放入雪櫃，就可以飲到冰涼解渴又有益的飲品。

我極愛飲水果茶，所以把所有水果都放入去，茶味香濃又消暑而且水果也不難買到，
今個夏天可以自己做，總好過飲汽水吧！最後仲同Kit Mak 集郵，好開心啦！

餐廳有室外的地方，如果有風的話都幾寫意，
而且位於內街，附近只有零星小店，感覺輕鬆寧靜，好適合三五知己傾計。
Shelter Lounge
Tea Set ($268 /2人份)
上環新街5-13號環球大廈地下A舖及1樓

以上活動 由 Miss Tiara x Lipton 提供

For Collaboration and Invitation,Please send to : littlecatt@gmail.com
FB Page: Kawai / Small Talk Corner
Blogspot。TheZtyle。Beautylife。FanPiece。
BECB＠Beautyexchange。Openrice。
She.com。U lifestyle。Weshare