｡oﾟ☆｡外拍。天空之鏡 ❤ 跟我倆走到Instagram Pier ☆｡oﾟ 精選

幾年前，因工作關係去過西環貨物起卸區，覺得那裡都幾空曠！
呢幾年玩多了IG ，發現佢忽然紅左，多左人以 Instagram Pier 來打卡，
至於名字的由來，我不知道，但我知道 西環貨物起卸區 就是 Instagram Pier。
這裡最出名的就是可拍到天空之鏡，所以它至少有三個名字，龍友通常叫天空之鏡～

前往天空之鏡方法：電車到西營盤總站，下車後向海邊走，需過兩條馬路，
往藍白大廈走，入口位要行到盡頭左手面。要行5至10分鐘！
因為都半荒廢，只有零星途人踏單車，小文青情侶影相，釣魚，而且沒有車～
早上還是下大雨的，忽然天晴開心死我啦！雨後海邊都有風，呢日唔算熱但焗。
忘記食藥的Kawai，開心到又叫又跳以酬謝神恩，
跳完都未回氣，就收到保安的警告信，在此無理遊蕩可能會被罰2000大元～
大家收完信都會繼續活動，哈！你見我唔到，我又見唔到你～

旁邊有卡板，或者走走都會拍到好 casual 的相片～

以前曾是起卸區，當然都有大量就地取材的地方可以拍照～

這個黃黑的地標，多是出現在高速公路或貨櫃場，平時少有機會拍照，
黃黑相間也可令相片增加不少的色彩～是這兒的另一個景點。

之前說過這裡另一個名字叫：天空之鏡，因為好多龍友都會把水倒在地上，
就可以有反射的效果，用以拍攝人像或日落等相片，
因為這天剛下完雨，地面都充滿了水窪，很輕易就影到天空之鏡的效果！慳水慳力！

老實講，香港的夏天不論落雨與否，都是又濕又焗，
這次外拍我是選用Jane Iredale 的碎粉及唇膏，
這個天然礦物品牌，Kawai 對其品質滿意度也頗高的～在此也簡單推介一下！
因為我是乾肌但非常易出汗，夏天的粉底通常唔使一個回合就一定甩到九彩～

Jane Iredale 控油定妝蜜粉 Amazing Matte Loose Finishing Powder ($390/10g)
超細緻柔滑的蜜粉，全透明無負擔，塗後讓您擁有平滑乾爽的感覺。
擺脫傳統的控油產品，不會讓皮膚變得缺水，乾燥。
內含米粉有效吸收油脂，輕輕鬆鬆掃除油光及定妝。

粉質好幼細，一推即貼貼服服不泛白。

平常外拍我都會用粉底液，這次換上了Jane Iredale 控油定妝蜜粉，
用蜜粉掃輕輕拍上，妝效立即變得啞緻，而且不論拍照效果及個人感覺都唔會好厚身！
個妝要玩大半日，舒服唔焗好重要！
另外的 Just Kissed Lip and Cheek Stain熣燦滋潤豐唇蜜 ($270/3g,有三色)
天然成份，創新技術，不用鏡子，輕快地一塗，屬於您的健康紅潤色彩漸漸出現，
即時趕走灰暗倉白，更可當作胭脂使用，在胭脂位置塗上一點點後，用手指即時輕輕推勻，青春粉紅色彩即時散發。
(我這支是 Forever Red，另有 Forever Pink 及 Forever Peach 選擇)
產品最特別是結合了護膚＋化妝兩大元素，不只是一支潤唇膏，
根據個人皮膚PH值而改變顏色，而成份都是以葡萄柚、橙、檸檬皮粹取的全天然成分配合triisostearyl citrate ，感覺來得自然，充滿健康魅力，帶走倉白。
其實我之前行美容展也有收過 Forever Pink 的試用品，
因為Mini Size還帶了到台灣，一直都不知會變色的，以為潤唇膏落妝先知有色，哈！

呢個夏天外拍了兩次，次次30幾度玩左半日都沒甩妝，
汗一樣咁流，而我亦一樣咁癲又跑又跳，感覺依然良好，定妝粉是值得推介的好物～
Jane Iredale見我咁鐘意，所以都俾左獨有嘅 discount 俾我o既讀者，
只要去旺角showroom show 這篇文章，Like and Share Jane Iredale Facebook
買呢個控油碎粉同唇膏都會立即打85折，可以即場試左先決定。
Show Room：九龍旺角彌敦道580G-K 號彌敦中心6樓603室(鄰近信和中心)
以上產品由Jane Iredale 提供

更多資料，可按以下連結至 Jane Iredale Facebook /官方網頁 /Instagram

For Collaboration and Invitation,
Please send to : littlecatt@gmail.com
FB Page: Kawai / Small Talk Corner
Blogspot。TheZtyle。Beautylife。FanPiece。
BECB＠Beautyexchange。Openrice。
She.com。U lifestyle。Weshare