✿ 2016 我們的情人節特集 ♥ You are my cup of tea ✿

較早之前的情人節，不知大家有咩節目呢？
嗰日我同Mr.K一齊參加左慕茶主辦的鮮花花藝工作坊，兩個人合力去做一個鮮花的裝飾。

一去到，已經見到導師為我地準備的花材，同埋一個插花用的杯。

我揀左呢個係粉紅色有玫瑰花插圖的骨瓷杯，因為我地係頭八位參加者，額外仲送左隻用永生花做的戒指。
MadamFleurHK 導師會先介紹一下今日所用到的花材，之後就會教我地剪接及插花的技巧，教完就就俾我地自由發揮，創作出我地嘅My Cup Of Tea......
Mr.K 好努力好努力呀！

其實我都有份整的，所以係兩個人一齊整o架！～

呢個就係我地花左成個鐘整的製成品啦！
係咪好靚呢？就算你話唔靚我都聽唔到.....XD！

其實睇住Mr.K不停俾Baby Rose 刺到，但都堅持到整完，已經好Sweet 了。

最後會用靚靚的玻璃紙幫你包好，同街買的絕對無咩分別.....

完成左課堂已經近八點，可能男仔少插花所以比想像中遲左放學！
咁我同Mr.K 都食左啲野！

慕茶卷一份有兩個Cone, 分別放住兩款唔同的餡料 －吞拿魚沙律同埋腸仔
腸仔餡好似唔太Match，都係吞拿魚沙律正路啲，
入面有啲菜絲，但個cone係Keep到脆身嘅，無話浸到淋晒！
只係吞拿魚乾得滯，食得有啲輪盡，
附有兩款醬汁，可以加落啲餡度，當中的桂花糖好香，係我鐘意的甜味😉

紫薯心太軟配雪糕
雪糕可以喺八種手造的茶味 Gelato 揀，有大路的抹茶，功夫茶，玫瑰花茶等，
我地揀左桂花茶，整體味道比較偏淡。
心太軟紫薯味不太重，切開會有少量的有紫薯粒，反之感覺黃糖味較重吧！

鮮花大概可以放三至一星期，視乎鮮花及天氣情況，之後骨瓷杯可留著用，總算幾環保吧！同場加映，那有貓不愛花，仙氣是有原因的。

花藝班之後都會再搞，時間表及收費可向慕茶查詢。

慕茶觀塘開源道55號開聯工業中心A座726室

For Collaboration and Invitation,
Please send to : littlecatt@gmail.com
FB Page: Kawai / Small Talk Corner
Blogspot。TheZtyle。Beautylife。FanPiece。
BECB＠Beautyexchange。Openrice。
She.com。U lifestyle。Weshare