*:₀｡ 惡魔朱古力 ❤Black As Chocolate｡₀:*ﾟ

每一次回台北旅行，朋友們都會提早幫手想好特別的行程，因為我鍾意朱古力，所以其中就係安排去有貴婦品牌的Black As Chocolate，食件餅，但要見的人太多到最後都係緣慳一面，留了一個小遺憾。

上星期，經過銅鑼灣竟然見到香港專門店已開張，咁我就入去8下啦！

店內陳列了不同口味的蛋糕，暫時有：
經典朱古力蛋糕，黑加侖草莓朱古力蛋糕，榛子朱古力蛋糕，焦糖香蕉朱古力蛋糕。
每一款都好吸引，我的選擇困難症又復發（笑）。
揀完蛋糕之後，仲可以揀挷蝴蝶的絲帶，慨歎著人生為何這麼多交叉點。

今日揀左高貴的紫色，真係估我唔到呀！看著店員用特定的手法，快速地在黑色的蛋糕盒上挷出公整的蝴蝶結，靚到唔捨得拆！

今次我係揀左黑加侖子草莓朱古力蛋糕， 面層舖左厚厚的朱古力ganache, 畫出簡約的玫瑰花圖案，旁邊就睇到中間有1/3 黑加侖子忌廉！
蛋糕盒底，一早已放置左蛋糕刀，魔鬼叉或天使匙（二揀一）及紙碟！好貼心的安排！

輕輕切開蛋糕，見到入面的士多啤梨多到湧出嚟，店方用的是福崗甜王士多啤梨，又大粒又甜，選用的材料都屬於頂級！

士多啤梨又紅潤甜美多汁，加埋軟綿綿黑加侖子忌廉， 兩者配合得非常到位，而朱古力 ganache 苦味調得好，入口唔會好笠身，選用75%的朱古力但只會吃到少量的苦味，
加埋夾心仲少少似紅酒味!(已向官方證實，蛋糕並沒有加任何酒類）自己食下食下已經KO左小半個,竟然都唔覺漏，我覺得以朱古力來講都幾成功！可以令人一口接一口吃下去！果然係高手！下次試下香蕉味先！
Black as Chocolate
銅鑼灣蘭芳道1號地舖
九龍衙前圍道122號地下H舖

For Collaboration and Invitation,
Please send to : littlecatt@gmail.com
FB Page: Kawai / Small Talk Corner
Blogspot。TheZtyle。Beautylife。FanPiece。
BECB＠Beautyexchange。Openrice。
She.com。U lifestyle。Weshare