.｡₀:✿ 城市綠洲 ♥ Greenhouse ✿:₀｡

星期三晚，約齊一班朋友仔來到了GreenHouse 飯聚，
呢間Greenhouse 不論裝修同環境都好似温室咁，放左不少盆栽！
睇左一日電腦後，望到綠悠悠感覺份外舒緩！

侍應先送上中英文對照的餐牌.....

服務員介紹嘅特飲 Mid Light Gloria!
一上枱好靚呀，紫色嘅係來自泰國的蝶豆花茶 ，加左落以西柚汁,熱情果汁同埋青檸檬汁為主調的Base,，味道酸酸甜甜又開胃，遠看有點似星空的感覺， 為今晚的聚餐揭開序幕！
朋友叫左嘅係 absolut Peach and Vanilla Iced Tea， 賣相帶點泰式風情，都係好特別架 ！

先嚟嘅係烤波多黎各菇配韓式泡菜芝士，
經過烤焗的大傘菇厚肉多汁， 菇味香濃 ，再配上微辣的泡菜芝士，好惹味呀！
烤菇用左大量的車打芝士，燒過的芝士入口軟綿綿，入口菇汁四濺，
我不好芝士的，都覺得好值得一試！
我都點左個青檸香茅雞翼配秘製森巴醬， 上枱時係熱辣辣既 ，咬開仲有少量煙冒出，
雞翼炸得皮脆肉嫩，不過香茅味不太明顯，
反而要點旁邊另上的森巴醬提味，否則就似普通的炸雞翼了。
我叫左和牛漢堡， 包身都應該有五寸咁大，仲可以揀熟成度，我揀左五成，切開果然是半熟，粉紅色牛肉扒肉質嫩滑，肉汁豐富，再加埋黑松露醬，呢餐真係令我呢個澱粉質女孩好滿足！

見到隔離枱個甜品要點火，我又想試下，同朋友商量左，我地都要一個火焰Cream Burlee, 特別之處係會喺燉蛋上面加多左層香蕉片，再倒酒點火，好有氣氛！點過火後的CreamBurlee 入口比較濕潤，同埋有明顯的酒味，間中都嚐到苦苦澀澀的....

朋友點的法式雜果班戟，一上枱已經俾色彩繽紛的吸引住，薄身的班㦸皮放滿了不同的水鮮果粒，朱古力脆脆及士多啤梨果醬！

班㦸皮同水果中間，放左不少的棉花糖，
焗溶左嘅棉花糖可以拉到絲，既又可增加自然的甜度，又可以貼住鮮果，
效果同食味都幾驚喜！

Green House
銅鑼灣時代廣場食通天10樓1004 號舖 2383-4022
For Collaboration and Invitation,
Please send to : littlecatt@gmail.com
FB Page: Kawai / Small Talk Corner
Blogspot。TheZtyle。Beautylife。FanPiece。
BECB＠Beautyexchange。Openrice。
She.com。U lifestyle。Weshare