♥ 偶然來的西班牙午餐 ✿ Chico Chica ♥

因為俾醫生臨時轉Booking,上環真係Load 唔到可以食咩，
結果就搭左一個站地鐵去左西環食住午餐等佢！

行到第三街，見到好多餐廳，我對可以望到街的玻璃窗位係情有獨鍾的，
最後我揀左有高枱位的Chico Chica，一丁友仲可以扮下偽文青！

另外一個原因，就係我鐘意食西班牙菜，而且我知 Chico Chica 係分別代表男生女生，ok!
我今日就用Chica Mode 去食呢餐飯，邊食邊等電話吧！
坐下先送上餐前小食，是傳統的蕃茄多士！

餐包用橄欖油浸過，香脆的多士立即變得平易近人，
入口不會太割喉，而且蕃茄好甜美，完全不腥！
午餐可以自選餐湯或沙律
我見餐湯好像很特別，是蘋果木瓜青芹湯，
這堆材料明顯是中湯的吧？

上枱時，卻見到質感稠密橙黃色的濃湯，入口先嚐到濃濃的木瓜果香，
而蘋果獨有酸甜味慢慢滲出，估不到可以以西湯做法，都幾特別！

飲品我揀左Feijoa Vanilla $45味道像Sparkle Lemon Soda, 但加左少少雲呢拿籽，入口有點似七喜溝雲呢拿雪糕（傳統茶餐廳都有，但忘記了名字！）味道有點熟悉感，但樣子就明顯不是那杯茶了。

午市餐牌5選1，平均由百多元起我一眼已經揀了海鮮炒米粉，不過唔知情的經理竟然再熱情介紹，話同外面的米粉好唔同.....
咁呀！其實我揀左㗎啦😂！
上到枱，原來係Seafood Fideo,真係做咩睇中文餐牌，搞到一頭霧水！

Fideo 係西班牙米粉，每條大概兩吋左右細碎狀，
伴以墨魚圈，大蜆，小青口，海蝦等海鮮，份量足以舖滿小鑊，感覺都幾豐富。米粉吸收晒各種海鮮的精華，味道帶點鮮甜，濕濕地都幾好味，唔好睇貝殼類細細隻，蜆仔充滿海水甜味，所以好快就食到清晒碟！

午餐仲可以加十蚊配Churros, 我很喜歡吃這個，所以好飽都要加！
一客只有三件，過下口癮也不錯！

Churros 炸得金黃通透，上面灑了不少的糖粒，
配搭的朱古力醬係Mocha 口味，食落有點咖啡的回甘，就好似飲左杯咖啡咁，
呢餐飯好滿足，本來俾人放飛機，我應該會發神經！

坐喺近窗台，陽光灑進來，望住外面時疏時密的人群，都幾舒服！可以Encore之選！但希望唔好再因為俾人放飛機吧！苦笑！

Chico Chica
西環西營盤第三街70號地下J舖 2517-9777

For Collaboration and Invitation,
Please send to : littlecatt@gmail.com
FB Page: Kawai / Small Talk Corner Blogspot。TheZtyle。Beautylife。FanPiece。
BECB＠Beautyexchange。Openrice。
She.com。U lifestyle。Weshare