ﾟ・ღ 我是偽文青 (｡◕‿◕｡) Beans 荳子 ღ・ﾟ

每隔兩個星期我就會去荃灣整頭髮，
星期六日下午要是經過荳子，只見人山人海，有時仲要等位，要做下偽文青都咁難！？

今日放假整完頭大概都係五點，又未食得飯住，見到無人，今次終於到我試下呢間熱店！

餐廳一如咖啡廳，中間有個開放式咖啡台，可看見咖啡師沖咖啡，
而另一邊廂，落地大玻璃加木紋枱，坐喺度睇下書都唔錯的

約左人食飯，所以就叫左兩個甜品打打底，而店家最新推出了抹茶系列的甜品，全都是用山政小圓山的綠茶粉入饌！
玉露蘋果金寶 $52
上面係抹茶雪糕，中間有綠茶金寶同蘋果粒！
旁邊仲插住一支抹茶味的糖漿，可根據自己的口味去加，個樣都幾靚仔㗎！

抹茶雪糕口感細膩，細嚐下有少量回甘，而蘋果碎粒用糖煮過，不會過甜可吃到蘋果獨有的果香，中間的抹茶金寶脆身富茶香，宜趁早吃，否則易被上層的雪糕浸淋！

另外仲叫左個焙茶口味的Cream Brûlée, 樣子都幾大堆頭的，燉蛋上放左紅豆蓉，Mochi 及焦糖薄脆等等！
入口即嚐到濃濃的焙茶香，燉蛋質感偏向稀身帶點水感，自己幾鐘意呢個質地，
但另一邊廂，因為焦糖面上放了會出水的食材如紅豆，Mochi 等，
我食的時候沒有了明顯卡一聲，因為焦糖面已被浸淋左，
對於一個破壞力強的孩子來說，顯然有點失望，幸好脆餅同燉蛋味道也不錯。
3D 咖啡 -- Hot Hazelnut Latte, 咖啡師整左個胖胖的熊仔俾我，不過泡沫比較易散，飲左幾啖放埋一邊就變左聾貓了，個樣仲好似遇溺咁，好可愛！整體味道尚可，望住覺得壓力全消呀！
整體來講，環境都幾好Hea,
如果我有一日假，而又無人等位都可以再試其他食物，但要排長龍的話，就未必會花時間了。

BEANS 荳子
荃灣海壩街99號地下

For Collaboration and Invitation,
Please send to : littlecatt@gmail.com
FB Page: Kawai / Small Talk Corner
Blogspot。TheZtyle。Beautylife。FanPiece。
BECB＠Beautyexchange。Openrice。
She.com。U lifestyle。Weshare