♥ 遇見大大鑊炒辣雞 ✿大大鑊 Big Pan ♥ 精選

多年前到過韓國旅行，十日多的旅程，來到一半時，已開始思鄉想回家，
因為吃不慣太多燒烤，那時未有炸雞熱，但都真心燥熱左！

近呢兩年韓風愈吹愈勁，間中都會拉大隊去吃吃韓燒，但我最深刻印象是新村炒辣雞，
那個大大鑊竟然在香港未遇上！真奇怪！

因為朋友說尖沙咀H8有新餐廳進駐，大概只聽到好大鑊，好啦！就睇下幾大鑊吧！
入座先送上前菜，都是一般的菜式吧！

我點了牛肉沙律，有兩條菜食下感覺得比較均衡，當然呢啲都係自己呃自己！
牛肉唔會太熟太乾，入口時少量肉汁，伴著沙律菜食可打打底，聊勝於無吧！
個鑊真心大，為左俾大家睇下有幾大，請同行幾位朋友借出玉手！
大家請忽視細細的戒指吧！我想大家應該見唔到有閃！哈哈！

我地點左風味芝士雞，一早已聽朋友講要留肚，佢話係二人份量，
不過老實講加埋配料如麵年糕嗰啲，三位女生都可能食唔晒！

點左食物就會有oppa 幫你即場煮，以下就係過程啦！
先落油熱鑊，再加上不同的蔬菜同雞件同炒，炒到咁上下，
Oppa 會放火，火光熊熊很是吸引！

燒完之後會再炒一會，之後就會倒入大量的芝士粒，再把鍋蓋蓋好，等一下就食得了！

一分鐘後開蓋！如紅海般的芝士海，分開了雞件及蔬菜，顏色係紅紅橙橙，樣子好像好辣！

Oppa 教路可以用芝士包著雞件來吃，芝士好易就拉到絲，包住雞件的樣子，不用吃也邪惡萬分，試一口，雞件嫩滑辣辣地好惹味（我地要少辣，另有中辣及大辣選擇），
不過芝味就比想像中淡！

我地一行四人，其中一個仲要係壯男，所以我地又叫多左個鍋，今次要左牛肉的版本，大概的煮法都係同上，但食味上，我地都不約而同地覺得雞肉好食好多！
可能少少辣惹味吧！

仲可以加其他配料，如麵韓式年糕等（另加20-30蚊不等）我地加左薄身年糕同韓式年糕，
因為配料除左菜仲混和了少量年糕同炒，而加錢嗰啲會最後才放，同菜一齊炒嗰啲係熟的，而加錢後放嗰啲就半熟咁啦，所以唔係食好多嘅朋友，可以唔洗再另加啦！另外仲加左薄式年糕，打算要嚟卷住芝士食，但上枱先知係凍冰冰，質感硬身，所以食左一片就放棄啦！建議大家加錢就加麵類！

店內仲有其他韓式料理，不過客人略多，最好先訂位！
而且每枱只有一個爐，如要食兩款就要先吃完一個再整！
大大鑊
尖沙咀厚福街8號H8 11樓 2311-1601 需訂位

For Collaboration and Invitation,Please send to : littlecatt@gmail.com
FB Page: Kawai / Small Talk Corner
Blogspot。TheZtyle。Beautylife。FanPiece。BECB＠Beautyexchange。Openrice。
She.com。U lifestyle。Weshare