.｡₀:☆ 療癒系 ♥ 美 ♥ 食 ♥ 藝術 ♥ Naked Gurume Gyarari ☆:₀｡

經一星期的辛勞，星期五的晚上，總想吃餐好，今晚就約齊腳去食餐好！！最後揀左蘇豪區的Naked , 佢有一半係畫廊嚟，星期五喺咁有藝術氣息的地方輕輕鬆食餐飯，真係有療癒的作用！呢個星期遇到幾多不快都一掃而空啦！

先來的是Mini Tuna Tostada Pizza (Raw) $148，
其實我幾Buy 食生㗎，只要食材質素高，處理又衛生的話，食生我絕對無問題!
仲可以食到食物的原味！

呢個係用吞拿魚加左少少牛油果醬，上面再放上魚籽醬，配合微辣的莎莎墨西哥汁，旁邊又灑上食用的菊花作點綴，顏色配搭得超美美的！活像一件藝術品，叫人怎麼捨得吃下！

加左墨西哥粟米片，感覺有如Tapas, 嫩滑的吞拿魚同粟米片口感豐富又細緻，色香味俱全！

之後就是 Yobiko Ika (Spear Squid ) Sou Vide Egg $138呢個我都好鐘意，首先係佢好靚，啲嫩綠的沙律菜同鮮花放埋一齊，一啲都唔俗氣，仲覺得好靚，符合我鐘意睇靚野的性格，而且調味唔會好濃重，每口都食到唔同的口感，味道我係最Buy!!!
講返口感先，佢入面有自家製爽口彈牙的蒟蒻麵條，滑溜溜的魷魚，好多菜菜子同埋温泉蛋！

調味方面都係靠温泉蛋，七味辣粉，同埋酸青瓜等，調味雖簡單，但又唔會覺得too much,
加埋滑溜溜的温泉蛋汁，有益之餘味道更加豐富。
之後都係生食，帶子刺身排到像花朵一樣，味道鮮甜有彈性，醬汁包含了泰式辣汁，檸檬同淡淡的香茅味，值得一提用的是澳洲手指檸檬，果肉是一粒粒的，咬下時會感覺到爆汁，不過味道又不會好酸，屬於清新的感覺，加埋彈性的帶子片，每口都嚐到卜卜脆的過癮口感好玩又好食！Scallop Crudo w/ & 3S’s Anchovy Sauce w/ “Finger Lime Caviar” $158(3S 代表S-spicy, S-sweet, and S-sour)

喜歡吃刺身的朋友，通常離不開海膽拖羅三文魚籽吧，這個就滿足了多個願望，Ultimate Pleasure (Sushi Roll) $158，集合了三文魚籽，海膽及吞拿魚腩蓉，正！

海膽幼滑甘香十足，晶瑩剔透的三文魚籽入口即破配上幼滑沒筋的吞拿魚腩蓉，我都唔知點形容了，我只係想食晒佢！

生食做得不錯，熟食都唔差！K-Pop Ribs $128，金黃色的豬肋骨加上食用花作裝飾，一上枱我已經俾佢美美的擺盤逗得好興奮！

以韓式醬汁烤的豬肋骨，香甜惹味，又保持到適當的肉汁，好好味！

仲有用阿拉斯加野生蟹腳做的蟹餅 Healthy Kale Quinoa Crab Cake (2 pcs) $138，今次無出食用花做裝飾，卻改用兩隻小螃蟹做伴碟，小螃蟹入口脆卜卜，口感少少硬硬地咁

蟹餅煎得金黃香脆不油膩，蟹肉好足料，見到絲絲分明的野生阿拉斯加蟹肉，伴入健康食材如三色藜麥，羽衣甘藍等，增加顏色之餘仲可以令到更飽肚，蟹肉味道鮮甜，令人一試難忘！
甜品我揀左Matcha Ice Cream Affogato $128 佢係分左兩層嘅，上面嗰層係抹茶雪糕同埋愛爾蘭忌廉奶凍，插住一支入左藍山 Espresso 咖啡的吱吱捧！ 可以根據個人喜好加入咖啡。
伴入咖啡後的綠茶雪糕， 顯得份外清甜又帶點回甘， 再加充滿奶香的愛爾蘭忌廉味的奶凍，甘甜滑都一次嚐透，層次上非常完美！
本人極愛下層的脆米，加埋雪糕脆脆地又有少少咬口！超好吃！
整體來說，我覺得食物完全係我杯茶，首先調味唔會太過濃，而且賣相好有心思，好驚喜！而且環境服務都唔錯，值得推介！

Naked Gurume Gyarari
中環伊利近街28號1樓 2363 7299

For Collaboration and Invitation,
Please send to : littlecatt@gmail.com
FB Page: Kawai / Small Talk Corner
Blogspot。TheZtyle。Beautylife。FanPiece。
BECB＠Beautyexchange。Openrice。
She.com。U lifestyle。Weshare