(｡･ω･)ﾉ 排左一粒鐘的煲仔飯 ★ 四季煲仔飯 (油麻地)❤・ﾟ

Kawai 真是天生的飯怪,會追飯吃...
如果要唔食飯先可以減到肥,我寧願肥死佢算了!
食飯其實有好多好處的,可以健脾,暖胃,穩定情緒等....
如果一個人脾虛,係不會瘦的!! 大家要注意了!!!

今次我來到位於廟街人氣煲仔飯店 -- 四季煲仔飯,
其實我間中都會去廟街搵野食,都是隨心行到邊食到邊!
一去到已傻眼,有至少廿幾卅十人在排隊,真誇張~
但朋友話好好食,而我又唔太餓,咁就排下囉 XDD


排左差不多一小時,終於見到門口
在門口,阿姐會同你落單,所以在門口已經見到大大個餐牌,方便大家想定要什麼,大約價錢在30-40元之內吧!
隔離有即炸鴨蛋蠔餅的工作台


落了單,可以坐底,嗯!沒有豪裝的廟街風味,
都算乾淨,至少我沒見到米奇,昆蟲.....

我們兩人叫了鴨蛋蠔餅(小/HK$30, 大/HK$60)
平時Kawai 是不會吃蠔餅的,因為試過覺得那些蠔很腥,又細隻,似蛋餅多一點.....
但朋友話一定要試,上台之後,我見到不是BB蠔,很厚身大隻,
蛋漿亦不多,吃下是啖啖鮮甜蠔肉的,
小SIZE 其實都不小,兩個人叫小的就差不多了,因為都蠻油膩哦~
結果嘛....飯未到已經被我們吃光光了!真的很賞面!

煲仔飯,我點了排骨白膳煲
白膳有小小骨,食落新鮮好味,排骨不過不失,
除了排骨及白膳外,飯內有一大堆梅菜粒,薑絲及辣椒(癖魚腥味)
加左呢幾個配菜,口味亦變得豐富,梅菜粒真的幾開胃又唔太鹹 ~
食到底仲見到飯焦,不過我一來飽左,二來一向都不太好,所以無食到~

排左一小時,覺得都 OK的!!
味道,質數,實在比我之前在廟街吃過的好很多!!單是蠔餅已經係無得輸!
朋友話,湯都好好味,不過得兩個人叫一窩就份量太多了!
唯有等下次多D朋友來先叫啦!

值得一提,這裡的結帳方式有點不同,在上菜後會即時結帳,不是吃飽飽才結帳喔!

四季煲仔飯
油麻地鴉打街46-58號 電話從缺

Contact Me: littlecatt@gmail.com
FB Page: Kawai / Small Talk Corner
Blogspot。TheZtyle。Beautylife。FanPiece。

BECB＠Beautyexchange。Openrice。She.com。