ﾟ・ღ 高質全日Hea 食早餐 (｡◕‿◕｡) ZENON Cafe ღ・ﾟ

記得幾個月前，去過Zenon Cafe 食下午茶，最近朋友同我講，而家開始有all day breakfast 供應！其實自己骨子裡都鐘意食呢種食物，只係坊間啲餐廳都做得好馬虎，而且又唔係平，動輒近百元，真係寧願自己整好過！

一去到就見到大大個易拉架，$120 連飲品也是差不多吧！

這個就是我的組合！不要看多元化的每款少少，加起來後份量也絕對不輕，先說香蕉窩夫（可改配草莓，藍莓），雖然份量只有半塊，好像有點不夠喉，但窩天比多士的功序多，加上香蕉及忌廉，份量剛好又不會太漏！火雞胸不會好瘦如柴皮，入口有柔韌度高，一改火雞胸係鞋的觀感

飲品我揀左Roseberry Zen Tea,成份有新鮮的草莓同玫瑰花茶底，用 cocktail 杯上都幾吸晴，味道就係清清地，唔會太甜都算順喉！
原來女士飲仲會加送壯男杯緣子做裝飾，當然係唔可以拎走，但都令到大家好開心，隔離枱啲男仔客又會問點解自己嗰杯無，哈！
不過咁，我個杯緣子俾某粗魯大意的男同事，一野飛左落我個all day breakfast 度，我知應該係妒忌，一定係，除非唔係！笑！

另外我都幾鐘意個芝士腸，外皮煎到脆身，咬下會見到芝士湧出，味道不會好濃，食到芝士香，唔係超市的平貨！另外茄汁豆都係店員推介，本來想Drop 左佢，因為屋企大把罐頭啦，不過食落真係好味，口感粉糯，不會被茄味遮晒，都食到豆香！唔錯唔錯！
雖然窩夫得半塊，食嗰時都覺得唔夠喉，因為我愛澱粉質，不過食到一半已覺得好飽肚！整個ADB 我推介火雞扒，茄汁豆，芝士腸同窩夫！
Zenon Cafe
中環威靈頓街86號地舖

For Collaboration and Invitation,
Please send to : littlecatt@gmail.com
FB Page: Kawai / Small Talk Corner
Blogspot。TheZtyle。Beautylife。FanPiece。
BECB＠Beautyexchange。Openrice。
She.com。U lifestyle。Weshare