｡oﾟ☆｡斷食營同學會之不斷食聚會 ❤ 無肉食 ☆｡oﾟ

因為緣份的安排，我曾經多次出走到台灣斷食，
呢個營改變左我的下半生，令我對食物都有反思....
上星期我人生的其中一位恩人蘇老師同蘇媽媽來港旅行，一班不同期的學生來次聚會....

最後選址北角的無肉食

位於堡壘街的猶如清泉，短短一條街有兩間素食店，而無肉食是以自助餐為招來....價錢幾相宜的，午餐 $68 任食三小時，而晚市是$108 ，不設加一
裝修走簡約路線，木枱有點似學生飯堂，大概可以坐到100人，店子中間位置放食物枱....

店方準備了大概20款的熱盤，另有白飯，湯，甜品，飲品（檸檬水及花茶）全部都是任食的，食物會不斷的補給，但可能會轉款式，我在剛到場時拍了一圈....

冷盤 有水果沙律，Pizza, 薯仔沙律如食物含蛋奶會有牌子標示...

沒有魚生的腐皮壽司卷...

甜品有南瓜唔知咩，湯圓，仲有好幾款中式的糕點！

呢度係自助形式，一個碟用到最後，享用完畢需自行收拾杯碟餐具到餐具收集處。

我先拎左一圈冷盤，為免太多醬汁不好拍照！
腐皮素壽司有淡淡豆香，幾特別，冷拌豆腐用百福豆腐醬汁帶甜，吸油力強的茄子竟然不太油膩，我同枱的同學都好喜歡！

春卷足料，但外皮偏硬可以放棄，Pizza 上面舖了有大量蔬菜配料，
因為無芝士所以口感乾身，蛋黄醬薯仔沙律唔會好濕，幾合我口味！最喜歡雜菜沙律，有大量的水果，伴著酸酸地的沙律醬，感覺好清新！
熱食都食左幾次，但忘記了只影了一張，總括來說，菜式是比較家常的，不會太花巧，
而且新鮮菜居多，幾乎沒有假肉素肉的出現！我不太喜歡素肉，所以我OK呢度的食物！
最後仲有甜品，雖然都是中式糕點，但款式都幾多，
有南瓜西米露，湯圓，馬蹄糕，杞子糕，紅豆糕等以供選擇！味道正常沒有太大驚豔或驚嚇！

仲有自家製的糯米糍，入面是流心餡，口感煙韌，不過餡料略甜（奶味重）一件就夠！
一班同學談天說地實在高興！只是身為搞手的我有點累，因為時間太趕好多事也未能做到最好！期待再次的聚餐！

未試之前，我睇到Openrice的評價比較差，我都有擔心㗎，因為我是搞手，
但食過之後，我覺得食物也不錯，而且真係抵食，唯一要彈就是食物保持温度上要再加工夫。

在此多謝餐廳老闆幫忙，留了2/3的位置並協助我們Set 場及拍照等事宜！

如果你喜歡食清新系的菜素食，我十分推介你來這裡試試，
但你喜歡吃炸芋頭魚素肉那種的話，這裡可能不是你杯茶了。



無肉食 Ahimsa Buffet
北角堡壘街10-16號華曦大廈地下B舖 2528 2368
For Collaboration and Invitation,
Please send to : littlecatt@gmail.com
FB Page: Kawai / Small Talk Corner
Blogspot。TheZtyle。Beautylife。FanPiece。
BECB＠Beautyexchange。Openrice。
She.com。U lifestyle。Weshare