｡oﾟ☆｡冰凍啤酒配串燒 ♥ 南蠻亭｡☆｡oﾟ

上星期睇完 RUGBY 7，叫完玩完流左好多汗，徙步行到銅鑼灣搵食。見好耐都未食過串燒，就同Mr.K 去了南蛮亭醫肚去，聽這名字，大概有一段時間，是日式串燒的元袓吧，所以都有點期待的！

食店中間是開放式的廚房，有一大排的串燒爐，可以見到師傅燒串燒，不時翻轉串燒，灑鹽，手勢純熟。而且八點愈來愈客人都沒有慌亂感，店內抽氣系統不錯，吃完也沒油煙味。

味噌茄子 兩件厚身的茄子燒到中間軟腍但外型完整無缺，咬下保持到蔬菜本身的水份及口感，不會乾巴巴，面頭的味噌份量略多，所以有點過鹹。
冬菇 一串兩件的燒冬菇大小相約，中間界了花形的圖案，菇味濃郁，都幾好食。

汁燒牛肋肉：調味比較重，可幸牛味香濃依然突出，肥油不多，小小的一件好滿足！
燒白鱔 是晚最愛，首先魚肉夠厚身又新鮮，魚皮燒到香香脆脆，魚肉嫩彈有魚香，加上海鹽輕輕調味，簡單卻突出，不是雪藏貨可以比美。

明太子釀雞翼 已去骨的雞翼燒到外皮金黃脹卜卜，入面有惹味咸香的明太子，兩者結合實在是完美，本來戒酒的Mr,K都立即叫左個啤酒一齊食。

牛油燒栗米
表面燒得金黃完美，粟米在微微牛油咸香襯托下，顯得份外甜美可人，而且唔會乾巴巴，好好食！ 粟米都幾大隻（大如男生手掌），可同侍應姐姐安排一開二或一開三，多D人開心Share。
asahi啤酒 500ml 啤酒杯預早雪到冰凍，加上冰凍啤酒，每一口都透心涼！平時少飲酒的我都飲左小半杯呢！

最後仲有甜品供應，揀左紅豆味同豆腐味雪糕，為一餐畫上圓滿的句號。

南蛮亭Nanbantei
銅鑼灣恩平道42號亨利中心6樓2911 0099
星期一至日: 12：00-15：00, 18:00-23:00
For Collaboration and Invitation,
Please send to : littlecatt@gmail.com
FB Page: Kawai / Small Talk Corner
Blogspot。TheZtyle。Beautylife。FanPiece。
BECB＠Beautyexchange。Openrice。
She.com。U lifestyle。Weshare