(｡･ω･)ﾉ2014 書展收獲 @ 第25屆香港書展❤・ﾟ

近幾年的書展,如果 Kawai 有時間的話都會去一至兩次,
一次會係平日(不是第一天,怕多人),
如要第二次的話,就會揀 last day!
(簡體字書通常會平一截!主攻多圖少字參考書,我其實認簡體字麻麻)

第一日,通常都係周圍逛 同 周圍睇書....
睇左大半日,發現今年書展無明確的主題,感覺似散貨場.....so sad!
不過台版書 7折都幾吸引的!所以都買左少少!

呢堆書有些是朋友未取回,
(我就是把袋中的物品都倒出來拍照!有些已即日約我取回....)
只有中間的雜誌同書才是我的收獲!

簡單講下,為何我會行了半個hall 1 就無手拎,
因為.....我幫妹妹訂雜誌,訂了本叫 The Good Life 的雙月刊!
我妹連出版社都不知,只叫我如果見到有就訂,好難買云云.....不想再花時間找!
雜誌單價$50,訂一年6期 $300, 即是原價......
但就送左上面一套三件的行李袋 (相片後排), sales 見我講完電話即訂,
多送(本來要訂兩年) 30g Bioscreen cream 及 Free Facial Coupon X 1
仲話可以送多期即期的俾我....(屋企咪有一本囉!我仲有好多Mission 未完成!)
雜誌是直接送上門的,不需用書券去換

最前排,幫人買還未約到交收的書.....
(已交收左一袋,在面書大叫重死人時仲拎住!)

中間的,才是我的收獲! (我忘記了影中間的書,唉!)
可按書名連結入博客來簡介:
不想生病就搞定自律神經
瑜伽.生活禪 --Janet Lau
和好 --一行禪師
除了第一本是即興買的,另外兩本都是之前看過,了解內容,並打算在生日一次過8折時去大眾買!
(見價錢差不多就入手了)

簡體雜誌last day 先買,因為第一日拎唔到,加上每次書展最後那天都會殺價!
兌換完一輪,價錢是1:1 再8折 吧! 另外會多送1本過期雜誌
(因為我不太精於看簡體字,所以選了食譜.... XD)

第二次入去的收獲仲有佢 -- 自己砌三色筆! (Hall 3)
Kawai 習慣了用三支筆,紫色,黑色同鉛筆,
而出面買的三色筆,都好少可以放到鉛筆,只可以砌顏色筆,
今次買到合用的筆好開心喔!
仲有Liz Lisa 碎花圖案筆桿,不過因為不合鉛芯,所以放棄了!

最後,提提大家買書時,要想清楚!
我見到好多人,一年去書展掃一次,但書回來後永遠都不會看!
沒看過的書,其實都是一種浪費喔!!

Contact Me: littlecatt@gmail.com
FB Page: Kawai / Small Talk Corner
Blogspot。TheZtyle。Beautylife。FanPiece。
BECB＠Beautyexchange。Openrice。
She.com。U lifestyle