(。・ω・)ノ午後的甜品時光 ♥ Doux ♥

專屬我的.... 於 22/12/2015 發表 收藏文章
話說,上個星期六我同Mr.K 去完朗豪坊同熊大影相後,就去左Doux 食下午茶,
都係嗰句,高茶呢家野男仔真係未必啱,普遍男仔都會覺得太甜!
不過Mr.K就係肯同我癲,我亦會將咸食留俾佢,哈哈!

嚟到呢度除左有甜品外,而家已經有咸點如三文治小食等供應了,我地先叫左個小食併盤
嗯!呢個併盤其實係包括左三樣小食嘅,炸雞,薯條同炸芝士條!

我本人就覺得炸雞同薯條都不錯的,炸雞中間仲有一層薄薄的夾心芝士,味道都幾惹味。
而芝士條就比較失色,首先有出水的問題,芝士強韌都拉到絲,不過就強到同炸粉散開左,
另外醬汁放喺中間個杯度,所有食物都塞唔到入杯口,唔知點樣搞,
對於呢個小食併盤,我是帶著幾分無奈!

一人份的Tea Set, 因為同Mr.K Share, 都係一份兩人共享比較好,我食甜他就食咸嘛!
呢度可以唔使跟人頭叫,唔錯的安排!Tea Set 上枱的時候,仲會有花瓶跟埋,用白色阿架力膠放著的各款小食,都幾雅致㗎!
店員都有介紹簡單食物的材料,進食的先後次序等。

共有13件小食,包括了三文治,泡芙,蛋糕卷,馬卡龍,卷蛋,Cake Pop, 布丁等等!

先試咸點,感覺比較平庸未見大驚喜,
其中的青瓜多士是比較突出,可食到清甜的瓜香不膩。

相對來說,甜點可說是驚喜萬分。松露做的馬卡龍,為這本應甜到漏的甜點,添了一份新意,獨有的香味令人一試就愛上,Tiffany 藍色的玫瑰花卷蛋,玫瑰味自然清新,玫瑰味在口中盛放,另外粉紅色毛毛球是龍鬚糖做的,好得意呀,入面係Cake Pop, 味道相對來說是略為甜膩吧!

Tea Set 可以配一飲品,加了錢轉了特飲!
Tiffany Blue 色都幾靚仔,加點雜果有點似星空哦,味道似Soda Drinks 吧!
少少酸都算易入口,不過,要額外加呢個價錢($36)的話,下次可能會點咖啡了!

本來想點血桃,第二次嚟又係賣晒,真係有啲唔開心,
諗住星期日下午唔會咁多人爭,原來都唔係㗎,
下午三點幾,九個甜品有三個都賣晒,都係打電話嚟訂就穩陣啲!

最後我叫左Honey Comb, 好明顯就是同蜜蜂有關係,上枱係好似蜂巢嘅presentation,
上面仲有一隻小小的小蜜蜂,好得意!
店員都主動簡單介紹下食物Combination, 應如何進食等呢方面係做得幾唔錯!

貌似炒蛋的蜂巢,其實係蜂蜜芝士蛋糕,但味道並不突出,只嚐到蛋味,但食到中心位置,會有流心的蜂蜜湧出,店員教路加上旁邊稍為溶化了的Earl Grey Tea 冰粒,會更好吃!果然,化學作用令味道似凍檸茶!好神奇!

整體來說甜點較突出,造型上味道上都係令人會有Wow 一聲的感覺,
其他食物相對地未見特色就是了!

DOUX
旺角彌敦道726號18樓全層 2808 2520

For Collaboration and Invitation,
Please send to : littlecatt@gmail.com
FB Page: Kawai / Small Talk Corner
BlogspotTheZtyleBeautylifeFanPiece
BECB@BeautyexchangeOpenrice
She.comU lifestyleWeshare

留言


請按此登錄後留言。未成為會員? 立即註冊
    快捷鍵:←
    快捷鍵:→