(｡◕‿◕) 優惠價 ♥ 日落伴食自助餐 ♥ 帝景軒 (◕‿◕｡)

位於麗都灣汀九穚旁邊的帝景酒店，自成一角，附近有海灘又可以睇到日落，感覺寫意，雖然交通有點不太就腳，要去的話搭的士或自駕最方便，不過都可以在荃灣地鐵站坐穿梭巴直接到達呢！今日表仔得閒， 一於由佢開車去酒店啦！

一如其他酒店的半自助餐，每人可以自選一份主菜、一份餐湯、一份麵包、還有可以任吃的甜品，前菜，海鮮等，價錢係以選擇的主菜計算，最平的$288就有交易，都唔算太貴！
先試下凍海鮮，種類不算非常豐富，就如當晚為例，有法國膏蟹、大蝦及翡翠螺，長腳蟹。每款試少少就已經一大盤了，其中的法國膏蟹都幾多膏，不錯吃。

沙律吧及Cold Cut 都有幾款，味道不差，亦有不少的食材及醬汁可以自制沙律，感覺更健康。不過當日遇到清碟未補的場面，感覺就是不太好，而且煙三文魚放久了有橙色的水流出，希望酒店可以多加留意食物的狀態呢。食自助餐，好多人都會問有沒有生蠔供應，這裡是每兩人同行都會送半打生蠔，還要是法國銀蠔，即開即食夠新鮮，不用爭及排隊，坐定定就有得食！生蠔唔算好大隻，但食落海鮮味同海水味都十足，估佢唔到。

意大利雜菜湯
可以o係五款餐湯入面揀一款，呢款口味比較清淡，湯底似清湯清澈，材料都幾多，飲落順喉唔會覺得係飲味精，加埋少少香草，都算唔錯。

烤安格斯牛柳
點了五成熟，厚厚的牛柳印上燒烤格紋，牛味說不上是很濃而且OverCooked左少少，估計7成熟，肉汁比想像中少同埋有點乾，因為我喜歡食生一點，這個我覺得水準一般而已，唯一是份量足，建議要比想像中叫生兩成。
意式燴羊膝
羊肉嫩滑而且羶味不算太強，皮薄脂肪唔多好易切開，另外意式芡汁同個羊都好夾，仲有薯蓉墊底，整體比想像中好食。

食完主菜仲有大量的甜品在甜品區等你，有大量的小蛋糕果撻等等俾你揀！

別忘記，餐廳出面仲有一個甜品櫃及兩個雪糕櫃，入面有雀巢哈根達斯雪糕任食（各有幾款口味），其實仲有個朱古力噴泉，配棉花糖或生果一齊食用，超正。

之前話係價錢係$288起，而家只要在Openrice 預先列印左優惠卷，星期一至四係有7折優惠的，折後最平200蚊就可以啦！另外要注意的是，港鐵站乘坐酒店小巴前往酒店，是免費的；但由酒店前往港鐵站時，則需出示住客証或其他應可証明方可乘坐，這個可以問職員安排。

帝景酒店半自助晚餐
6:30pm - 9:30pm
星期一至四有 7 折約 $200 一位 （要去 OpenRice 列印優惠卷）

帝景軒 Cafe Lido
荃灣汀九青山公路353號帝景酒店 3716 2898

For Collaboration and Invitation,
Please send to : littlecatt@gmail.com
FB Page: Kawai / Small Talk Corner Blogspot。TheZtyle。Beautylife。FanPiece。
BECB＠Beautyexchange。Openrice。
She.com。U lifestyle。Weshare