.｡₀:✿ 輕食。吹水好去處 @ Euro Go Go (朗豪坊) ✿:₀｡.

幾個星期前,戒口完畢又是時間約朋友傾下計,
約在旺角,就算傾到夜了,通宵交通依然方便!
拉麵蟲依舊上身,經商量,最後選了朗豪坊的 Euro Go Go~

Kawai 比較早到,所以我負責搵位,7點幾已經幾多人啦!
不過,店員出手,快速安排食客掉位,好快就Settle Down,
他安排了高桌,我笑說朋友比較矮,可能會不夠高,
他說有位再安排,雖然最後都沒有再換位置,但感覺服務不錯!
Euro go go 間中都有幫襯屯門市中心分店,整體感覺都不差
至少不會有人企在你背後等位,隔離那間我就領教過,感覺仲衰過酒樓!

好了!同屯門那間一樣都是先點餐,再由店員送上食物
食物大概有湯,沙律,甜品, 意粉,Pizza,還有不同的小食如雞翼,薯皮等!
Coffee or Tea 有特別的選擇,如泡抹奶茶 ( Cappuccino Milk Tea?)

我點了雜菜沙律,有青瓜片,小蕃茄,沙律菜,麵包碎,
顏色都幾Colourful,食落都新鮮,配上沙律醋夠清新,不用清一式要Heavy 到爆的沙律醬~

主菜方面,我點了鮮茄煙肉香腸蘑菇意粉
因為Kawai 不吃白汁/芝士味重的東西,所以就挑了這個啦!
上檯時熱辣辣的,顏色亦吸引,意粉亦夠彈牙,夠咬口,
不過食到底時,就發覺意粉有點乾,焗得過火了嗎?

本來想試一下它們的Coffee,但因為它們沒有Decaf(低咖啡因) 選擇,
為免會有發咖啡瘟情況,所以只飲水好了 ^_^

就這樣,有傾有講了差不多兩小時,
環境幾清靜都適合吹水,食物選擇都多,以我咁口味難服侍的,都找到想吃的東西

Euro Go Go
旺角亞皆老街8號朗豪坊9樓22-23號舖 2626 0660

Contact Me: littlecatt@gmail.com
FB Page: Kawai / Small Talk Corner
Blogspot。TheZtyle。Beautylife。FanPiece。
BECB＠Beautyexchange。Openrice。She.com。