♥ 星級泰菜 ✿ 泰好食 ✿ Erawan Thai Premium ♥

朋友當中總有幾個是泰菜迷，閒來沒事就會去泰國食食冬蔭公，
三日兩夜都好過無，我地呢啲無假無時間只有在香港陪食的份兒。

今次朋友收到風，香港開左間新的泰菜館，主廚曾經為泰皇御廚，
咁趁住試業期間就快快食一次先！

一入門口就見到三張食神爭覇戰的獎座，證明今晚有食神，
仲有露天地方，感覺好開揚！一班人飲住Cocktail 食泰菜，再不是夢話！
另外仲有金色的櫈 ，有衝動坐上去Selfie 下！
朋友到齊先有Welcome Drink, 是沒酒精的Mocktail ，
味道是提子加檸檬草，味道酸甜有致，不錯不錯。

平時食泰國菜都會食青木瓜沙律，柚子沙律咁，
呢個泰式茄子肉碎沙律，特別之餘亦比想像中好味！
感覺有啲似中式的魚香茄子，茄子甜美又Juicy，只係肉碎辣左少少，整體都好開胃，值得介紹。


蘇梅火辣海龍Koong
呢個係得獎作品，上枱已嘩聲四起，好大隻蝦，差不多有手掌咁大隻！

虎蝦肉質彈牙，外殼炸到脆卜卜，
伴以炸過的紫蘇葉同腰果都好吸引，香口得嚟唔太油膩，真係碟都清埋！

豬頸肉炒粉絲
一開蓋已經聞到香噴噴，但又講唔出係咩味，粉絲好彈牙乾濕度適中，吸收晒啲醬汁，豬頸肉肉嫩，食到尾見到玉桂條，啊！原來秘密就係玉桂了！不過呢個要趁快食！

芭堤亞燒雞
集齊皮脆肉嫩的優點，加埋有少少辣的醬汁，惹味又好食！


芭堤亞蟹逅
就係見個名靚先叫，呢個都係得獎菜式，蟹炸得香脆但油膩度恰到好處，
配上惹味的冬蔭公醬汁，味道唔算太辣，汁仲可以點Naan 食呀！
（呢度有印度咖哩同 Naan 點）
細心的店員仲準備左鉗同即棄手套，方便我地進食！

最後就係甜品啦！甜品併盤（4-6人份量）
我地一齊將芒果放入口，大家一齊大叫好甜！
今次真係有口福，因為朋友話上次來，大廚話芒果唔靚所以唔出芒果，哀求都無情講。另外的椰汁糕帶有少少咸味，反而突出椰子獨有的清甜味道！
黑白糯米飯份量也不少，食完令人滿足！

估不到泰菜都可以咁精緻十足Fine Dining，多謝朋友介紹。


Erawan Thai Premium亞士厘道34號天星大廈4樓

For Collaboration and Invitation,
Please send to : littlecatt@gmail.com
FB Page: Kawai / Small Talk Corner
Blogspot。TheZtyle。Beautylife。FanPiece。
BECB＠Beautyexchange。Openrice。
She.com。U lifestyle。Weshare