♥ 新穎叫老鴨 ✿ 金撈老鴨湯刺身專門店 ♥ 精選

最近上班地點由金鐘轉了到佐敦,
發現佐敦比金鐘更多好野食,應有盡有,今次真的"大鑊"了~
話說,前幾個星期去左文英樓附近食粥底火鍋,發現隔離都有間新店,
怪異的是鴨湯底,雞煲就聽得多,鴨湯真是聞所未聞....會唔會補到暈低?!~

這天晚上,趁住電影鴨王上畫,約齊一眾飯腳,來一個鴨王之夜~
滿足一下我的異常的好奇心.....
因為我地人多,所以安排了坐廂房,三間廂房打通後可坐30人以上...
因為工作遲了少少,朋友已經點好菜,
見到一窩正在滾的原隻鴨湯窩上台,用了四小時去慢煮,
把鴨本來是燥熱的性質改變,老鴨油份本身不多,所以也算輕怡不油膩,鴨亦沒有煮至四分五裂.....

鴨窩係有特別的食法,先飲一口湯底,食鴨件,最後才加湯去打邊爐...
老鴨湯飲落有少少酸味,沒太多油份,愈飲愈開胃,藥材味反而不大
原來湯底加了醃製兩年的酸蘿蔔去煮,難怪酸味外,也有點蔬菜的清甜味~!加入了蟲草,滋陰又養顏,多飲亦不會太燥熱喔!

飲過湯就開始打邊爐了,少不免混醬的步驟~

有這麼好的湯底,當然要用好多食材,呢度的食材都幾特別,有心思
先來的是黃皮老虎斑,片到薄薄的魚片, 稍為碌一碌就食得,
魚肉扎實,食落好滑溜,魚味豐富
喜歡的話可以點刺身豉油,但我喜歡什麼也不點,.....

接著有自家製的火鍋配料,
神秘丸(上),四款口味各有不同,挑戰你的味蕾敏感度,面頭仲有高貴的金泊!!!
特式蝦條: 入面有自家製的蝦滑,口感煙煙韌韌

西班牙黑豚肉金菇卷
平時我地食的都係肥牛金菇卷,轉用黑豚肉,原因係兩者的煮熟的時間都不同,
要兩者同時煮熟的話,牛肉又會老左,轉黑豚肉就可以兩者都兼顧到,
的確係有心思的配搭~

手打蝦滑:形容詞窮,非常彈牙 :)
頂級安格斯牛頸脊
係咁碌一碌已經好好味,油脂平均,牛味香濃~

仲有安格斯牛柳粒,都係牛味香濃,分別只是油花多一點,
對於我是牛魔王女兒,當然兩者都喜歡~

亦有大量蔬菜選擇, 當晚揀了唐萵同皇帝菜,食到最尾全吸收了湯精華,非常好味~

打邊爐我都好注重有咩飲品ga, 因為我好飲得--"水"咋!
始終是養生鍋,店家都有兩款自家制的飲品,每天新鮮自製,不留隔夜,
口味極似汽水!!!!搞到我不停問,證實我喝的不是汽水!!!
左邊的是洛神花茶,不如我平時喝的帶酸,是有點甜甜的感覺,很像"凍檸賓"
右邊的是薏米水,我飲到的是檸檬香,極似開了蓋走氣了的C+ Lemon 汽水,
我平時很愛很愛這個C+ Lemon 汽水嘛, 搞到我都好糊塗......我覺得自己飲左好多汽水 :)
(我已向店家證實,這兩瓶都不是凍檸賓或C+ Lemon 汽水!!)

總括來說,我覺得 老鴨火鍋 除了滿足我的貪新鮮好奇心外,
也覺得店家好有心思去研究食材,
有朋友想試特別的火鍋,我也會介紹他們喔!

金撈老鴨湯刺身專門店
佐敦文昌街25-47號文昌樓地下41-43號舖 2332-7600

For Collaboration and Invitation,
Please send to : littlecatt@gmail.com
FB Page: Kawai / Small Talk Corner
Blogspot。TheZtyle。Beautylife。FanPiece。
BECB＠Beautyexchange。Openrice。
She.com。U lifestyle。Weshare