♥ 天然酵母烘焙高質麵包 ✿ 百年奧地利麵包 ✿ 麥上日光 ♥

呢個聖誕節都係病住過， 飲左好多水休息整天，
Boxing Day o個日朝早已經好了好多，決定出街見下朋友，見下太陽，
不用怕我不會在佳節傳染病菌咁衰女！

剛病好，這天出街都係比較忍手，我最愛的雞蛋仔芒果冰都完全無食到！
行行下，o係金馬倫道見到銅鑼灣綠茶的分店，仲要無人排隊！救命！
唯有扮見唔到，之後見到對面有間新開的麵包店，咁我就入左去八下啦～
呢間地舖的店子，原來係奧地利近百年老字號麵包店－麥上日光，
而這間店子是香港第一間分店。

剛巧蘑菇包出爐， 一個個排列整齊真係好可愛呀！麵包店香港有好多，呢個老字號同平時的麵包店最大分別就係酵母，
平時的麵包店都會用左化學的酵母，在這個追求自然健康無添加的大趨勢下，
自然是輸在起跑線，不過食左咁多年大家都習慣左，亦都唔會去研究！

呢度的自家培植天然酵母係用提子乾，啤酒花同麥胚芽做主要材料，經過9日的低溫發酵而成，口感會比較濕潤，同埋會有天然的麥香！

呢間店除左酵母係特別，另外都會嚴選不同的食材，所以口味都幾多，
當日眼見有紅菜頭，南瓜，洛神花，牛油果等，
除了五層流心芝士軟歐o個款無得試食，其他大部分都有先試食
因為當夜晚回家食飯，第二日又要入Camp，
最後只買左一小個試食，呢個係紫薯美人的口味！
店員以透明膠袋放好，再貼上貼紙！

麵包係呈紫色的，不論賣相同味道都好似紫薯，
切開仲會見到紫薯餡料，味道唔會好死甜，屬於小清新，面包係比較煙韌，氣孔比平常的面包少，所以比較飽肚，濕潤的口感單食也不會覺得太乾身！

有機會再經過的話，都會想試下其他的包包！
雖然定價略貴，但吃下肚子的，都是健康行先吧！

麥上日光
尖沙咀金馬倫道32-34號福橋大廈地下D號舖
For Collaboration and Invitation,
Please send to : littlecatt@gmail.com
FB Page: Kawai / Small Talk Corner
Blogspot。TheZtyle。Beautylife。FanPiece。
BECB＠Beautyexchange。Openrice。
She.com。U lifestyle。Weshare