・ღ 中環輕食派 ♥ Selfit Salad Stationღ・ﾟ

每個吃貨總有一個自家餐廳List ,
一有時間就會出動逐一探訪，今日單拖外出開會，
開完會後去左Selfit Salad Station ，因為知道呢度新出左紫薯牛角包呀！

前兩日聽朋友講去到賣晒，一場嚟到無得食，
所以我一過左午市就到....

店子不大，有幾個位可以堂食
主要係賣健康輕食，如沙律，乳酪，三文治，亦有商務午餐供應！
我就叫左紫薯牛角酥$28
紫薯的份量多到推到似一個小山丘，見到都開心，
上面有一點焦糖的蘋果粒，味道酸酸甜甜而且份量都唔少。

牛角酥烘到非常脆身，紫薯餡仲有粒粒紫薯，一層淺紫色的奶油，打得好綿滑，
呢個份量同內容喺中環都屬於抵食之選吧！

至於我呢D大食積，一個牛角包點會令到我夠飽吖，雖然係澱粉質都係咁話....所以我另外就要多個自選沙律， 呢度嘅沙律系每日新鮮製造， 大概有五至六款選擇，$48 可以喺入面揀三款！
當日選擇有南瓜紫薯，紅菜頭沙律，小米沙律 ，蕃茄蝦沙律 及 三文魚螺絲粉沙律！

本來可以揀三款，但因為我樣樣都想試下（除左南瓜唔想試，本人偏食），所以就有4款。自己最鐘意紅菜頭沙律，夠鮮甜，仲有醬汁配返。
三文魚螺絲粉沙律的螺絲粉唔會淋晒咁！蕃茄蝦沙律蕃茄甜美多汁，蝦的比例少左D 啦！整體性價比都唔錯！

如果公司近上環嘅話應該會成日嚟食野！可惜唔係，唯有等開完會閃出嚟先啦，哈！

Selfit Salad Station
中環機利文新街30號合興樓地下 0730-1930
For Collaboration and Invitation,
Please send to : littlecatt@gmail.com
FB Page: Kawai / Small Talk Corner
Blogspot。TheZtyle。Beautylife。FanPiece。
BECB＠Beautyexchange。Openrice。
She.com。U lifestyle。Weshare