❆ 終於唔係黑糖珍珠鮮奶 ♥ 沐白小農 ❆

對於一個唔太受得奶類製品嘅人來說，成個夏天都係俾黑糖珍珠鮮奶洗版可以有幾灰～
知道沐白小農有豆奶的飲品，立即拉埋個飲到鮮奶朋友一齊試，方便我可以試少少有奶o既出品，哈哈！


我上呢杯係 沐白紅茶鮮豆乳，店家堅持用天然新鮮材料，不加奶粉、奶霜，亦不加任何一滴水，採用全天然蔗糖、黑糖（未經精鍊及漂白的原糖）。
豆香淡淡的唔會太甜膩，另加嘅珍珠份量雖多但質感偏淋，希望之後會有進步💪🏻。

我地都叫左杯 黑糖珍珠鮮奶 試下，拎上手時底層（黑糖部分）辣手的，掛杯的黑糖花紋都幾靚，搖勻後正常甜只係比想像中甜左少少，不過黑糖的甜唔屬於死甜o既，我覺得可以接受！不過珍珠真係淋左少少，反而呢個失望左！


朋友揀左 大甲芋頭鮮奶，店家採用台灣的大甲芋頭，芋蓉質感綿密，中間夾雜左少量芋頭粒增加咬口，我自己就幾喜歡呢個質感，味道唔會太甜，好飲到冒住敏感危機飲左好多啖。
沐白小農
元朗裕景坊27-31號金倫大廈地下4號舖

For Collaboration and Invitation,
Please send to : littlecatt@gmail.com
FB Page: Kawai / Small Talk Corner
Blogspot。TheZtyle。Beautylife。FanPiece。BECB＠Beautyexchange。Openrice。
She.com。U lifestyle。Weshare