❆ 北角高質意大利菜 ♥ Wooden House ❆

專屬我的.... 於 12/07/2018 發表 收藏文章
為左尋找新鮮感,習慣每個星期都會去不同的地區搵野食!上個星期六就揀左北角區,因為上次去友邦廣場探朋友,發現樓下有好多新餐廳, 最後揀了剛剛開始做午市的Wooden House,朋友之前都話質素唔錯!

除左Set Lunch,午市有$10隻即開生蠔,平時少食生蠔的我都試了一隻!生蠔Size唔算超大,但味道極為鮮甜亦沒有碎片,質感爽脆,適合不太重口味的朋友,整體來講對得住價錢!

午市的餐牌選擇不多,但也有齊了意粉,飯類,薄餅,扒類及一款精選的鮮魚!

加$10的沙律,以黑醋調味,跟餐沙律一直都不會太特別,只求吸取多些菜,呢個份量我收貨,之但係我覺得o個兩塊Salami 其實有d唔夾~

是日鮮魚 $118
其實都係第一次西餐食盲曹 XD,估唔到味道都幾鮮甜,魚皮脆卜卜而魚肉依然嫰滑唔腥,加上沒有有太多醬汁,條魚太好味,最後連配菜薯蓉都清晒(本來打算食大半就收手)。

紐西蘭草飼平鐵牛扒
呢個係侍應的推介,牛扒用的是牛肩部位,生熟度約八成,牛味濃郁切面肉色呈微粉紅,肉質屬於比較為瘦,不過也不會死實實,加上沒有多餘的血水,百多元來說算高質。

因為跟餐加$20就可以試手製Gelato一個(柚子/開心果/朱古力/桃味),因為四個味都好吸引,所以來一個大包圍!自己喜歡開心果同柚子,開心果味香濃突出,餐廳因為健康理由堅持沒加色素所以它是灰色(平時餐廳綠色的開心果都是有加色素),雖則有點其貌不揚,但真心好好食!柚子混入了柚子白衣鮮製而作,味道帶點點苦澀,加上果肉好天然的味道!Mr.K喜歡朱古力,可可味超香且濃,大概是平時85%以上的朱古力的味道。
Wooden House
北角電氣道183號友邦廣場地下18號舖
For Collaboration and Invitation,
Please send to : littlecatt@gmail.com
FB Page: Kawai / Small Talk Corner
BlogspotTheZtyleBeautylifeFanPiece
BECB@BeautyexchangeOpenrice
She.comU lifestyleWeshare

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→