❆近廚得食鐵板燒 ♥ 鉄人旨花❆

專屬我的.... 於 11/07/2019 發表 收藏文章
鐘意食鐵板燒因為可以一面食一面欣賞師傅煮野食的功架,特別好味!其實好耐之前已經食過一次鉄人旨花o既鐵板燒,價錢唔平但勝在真材實料,o岩o岩出糧就同約朋友黎食多次。
坐底先送上日式沙律,主要是沙律菜同埋蕃茄粒,伴上少量Superfood藜麥,營養價值更高,醬汁帶點酸辣,應該是加了wasabi,少少攻鼻都幾特別!

汁煮白鱈魚
平時食銀鱈魚比較多,而白鱈魚比銀鱈魚魚肉更為雪白嫩滑,師傅先煮起洋葱汁,再慢慢燒魚肉,臨上碟前再煎香魚皮,魚肉好嫩唔腥而魚皮脆卜卜,兩種口感,伴住甜甜的洋蔥湯食好正!

海膽汁煮龍蝦
睇住師傅把生龍蝦逐一拆肉煎香,加左海膽汁煮過的龍蝦爽口彈牙,鮮味十足又香口,個醬汁有濃濃的鮮味而不會太重味道,點住龍蝦肉啖啖肉實在最高享受了。

特別菜品:奶油煮法國白蘆筍
估唔到奶油可以用來煮白蘆筍,奶油感覺唔太膩同爽脆的白蘆筍都幾夾

熊本縣產A5和牛
平時我係喜歡食得生少少,但師傅說厚身和牛比較建議煮到七成熟,可鎖住肉汁,食到外脆內軟的口感,一於聽師傅話,一路睇住油花溶化,好治癒!

每人各有四粒,碟邊分別放有三款配料:粉紅岩鹽,wasabi 及炸蒜片。店員建議先試原味,果然外脆內軟好juicy,再逐一配上唔同的配料,同一塊牛牛加上不同的配料立即有唔同層次。


和牛炒飯
炒飯係用左珍珠米,加上紅蘿蔔、蔥同和牛碎粒一齊炒,炒得米飯金黃通透粒粒分明,入口有陣陣蛋同牛香但一點都不油膩。

清酒雞湯
師傅倒入清酒再把酒精燒掉,飲落帶少少清酒甜味,清而順喉好舒服的甜味。

甜品除左可以揀雪糕,仲可以揀鮮果杯。三款水果已經直接去皮去核,就咁叉黎食就得,非常完美的句號呀~

鉄人旨花
銅鑼灣謝斐道477-481號肇明大廈2樓

For Collaboration and Invitation,
Please send to : littlecatt@gmail.com
FB Page: Kawai / Small Talk Corner
BlogspotTheZtyleBeautylifeFanPiece
BECB@BeautyexchangeOpenrice
She.comU lifestyleWeshare

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→