❆日本直送海鮮丼專門店 ♥ 夢の丼❆

專屬我的.... 於 27/01/2019 發表 收藏文章
臨近過年有點過勞死的感覺,今日見有少少時間就決定同Mr.K食好D當係慰勞下自己。
身邊幾個朋友都不約而同話呢間o既丼飯好高質,其中幾個更說吃不到拖羅丼決定擇日重賽,
講到咁好搞到我未出發先興奮好高期望!

其實佢個位o係近土瓜灣,平時真係無乜機會經過,我地係專程去的!

拖羅丼($338)
姐最喜歡食拖羅,不過香港大部分都唔夠新鮮,朋友說到是必食就當然要來一個
呢個丼飯包含左大鮪魚腩、中鮪魚腩、碎蔥鮪魚腩、大灸大鮪魚腩、赤身漬同玉子漬。每一片魚生都係厚切,啖啖鮮味吃得很過癮!大拖羅油脂豐富,筋位唔多入口即溶!而火灸鮪魚腩燒完魚油標晒出來,佢個丼飯底用赤醋飯,撈埋自家製的玉子蛋黃一齊食,超好食,難怪朋友食唔到好唔忿氣要再黎!

門面不大,原來入面都算寬敞。o個晚人唔多慢慢食同傾下計都幾舒服。

呢個就係自家製的玉子漬,而隔離係。。。

夢の丼 ($298)
如果沒有特別喜好魚生,揀同餐廳名字一樣通常都沒錯。呢個丼飯包括七款刺身,有三文魚、三文魚子、炙燒三文魚蓉、 拖羅蓉、帆立貝、海膽、牡丹蝦同金萡醃製生蠔。上台時,店員提醒盤上附有的橙醋,建議先喝橙醋,再把橙肉榨汁在帆立貝上,酸味可以令帆立貝的鮮味更加突出,仲有開胃的效果呢。
七款刺身都係厚切,估不到連北海道馬糞海膽都好鮮甜沒半點苦澀味,試了一口牡丹蝦,蝦肉甜爽嫩彈牙,好正!同是用上赤醋飯,令刺身味道更獨特。

黑松露芝士玉子燒
黑松露配上芝士,黑松露相當多,熱辣辣的蛋身口感嫩滑,一客四件轉頭就清晒!

丼飯由$138 起,豐儉由人,我覺得拖羅海膽的水準都可以放心一試!

夢の丼
土瓜灣譚公道 2 號

For Collaboration and Invitation,
Please send to : littlecatt@gmail.com
FB Page: Kawai / Small Talk Corner
BlogspotTheZtyleBeautylifeFanPiece
BECB@BeautyexchangeOpenrice
She.comU lifestyleWeshare

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→